1.       Chi leh chi, hnam leh hnam, sakhua leh tawng hrang hrang hmangte inkarah duhdan leh ngaihdan in an lohna avanga inhuatna tipunlun thei thil tihna reng rengah eng Party/Candidate mah a inhnamhnawih tur a nilo.

2.       Party dangte sawisel pawhin, an policy leh programme te, hun kaltawha an hnathawh leh thiltihte chauh sawisel tur a ni a, Vantlang tana an thawhna nena inkaihhnawih lo, party dang hruaitu emaw, party worker te mimal nun (private life) emaw insawichhiatsak loh tur a ni a, thil hriatchianloh leh dawt ophuahchawp hmanga insawichhiatloh tur a ni.

3.       Chi leh hnam behchhan zawnga vote zawn hi tih loh tur a ni a, eng sakhaw in (religious institutions) leh hmun mah election thu thehdarhna hmun atan leh campaign nan hman loh tur a ni.

4.       Voter tham (bribe) te, Voter vau zam te, midang vote thlak aia lo thlak te, polling station atanga metre 100 huamchhunga voter te thlem, inthlan (poll) khar hun hma darkar 48 chhunga vantlang inkhawm huaihawt leh voters te phurh/hruai kual te hi Election Law (Inthlan Danpui) in a khap avangin Political Party leh Candidate te an inhnamhnawih tur a nilo.

5.       Mitin te thlamuang taka nunphung pangngaia an nun theih nan an dikna chanvo (Rights) zah sak tur a ni. Mahni lamtang lo pawh nise an ngaihdan leh chetzia kan rilrem loh zawng anih avang ngawta mimal tutee maw chenna in kawta punkhawm leh pawn chhuak tur indan (picketing) te hi engtikawng mahin tih loh tur a ni.

6.       Tu Party/Candidate mahin a neitute phalna la hmasa lovin mimal ram, in leh compound  te party flag, banner, hriattirna leh auhla (slogan) tar nan an hmang tur a nilo.

7.       Party/Candidate tin ten an Party mi leh sa ten Party dang te awmkhawm lai leh kawngzawh lai an tibuai loh nan khawng takin hma an la tur a ni a, Party pakhatin vantlang in khawm an neih laiin Party dang ami ten zawhna zawtin emaw an lehkha (leaflet) sem  emaw an tibuai tur a nilo. Party dang ten vantlang inkhawm an buatsaih laiin an buatsaihna hmunah party dangin kawngzawh huaihawt loh tur a ni a, mahni awmna Party nilo Party dangte poster tar inpawhthlaksak loh tur a ni.

VANTLANG INKHAWM (PUBLIC MEETING) HUAIHAWT CHUNGCHANGA ZAWM TUR :

1.       Vantlang inkhawm (public meeting) huaihawt tum te chuan Traffic Control leh boruak muanawm siam kawngah ruahmanna tha an lo siam lawk theih nan police hotute hnenah ahma lamin inkhawm huaihawt an tumna hmun leh hun an hriattir tur a ni.

2.       Meeting huaihawttu Party/Candidate te chuan meeting neihna tur hmunhma thu ah khapna thupek dinglai a awm leh awmloh an hrechiang tur a ni a, dan dinglai a awm anih chuan an zawm ngei tur a ni.

3.       Meeting neihnaa hman tur aurinna leh hmanraw dang hman phalna (permission/licence) dil a ngai anih chuan, meeting huaihawt tur party ten meeting neih hma in thuneitute hnenah phalna (permission/licence) lak ngai te an la fel vek tur a ni.

4.       Meeting huaihawttu ten an meeting tibuaitu emaw tibuai theitu emaw an awm a an hriat chuan anmahniin an beilet ve mai tur ani lova, dan kengkawhtu police te tanpuina an dil tur a ni.

KAWNGZAWH (PROCESSION) CHUNGCHANGA ZAWM TUR :

1.       Kawngzawh huaihawt tum Party/Candidate te chuan an zawh tum hun, zawh tanna hmun, an kalna tur leh an tawpna tur hmun te ruahmanna felfai tak an siam lawk tur a ni.

2.       Kawngzawh tum te chuan tualchhung police hotute hnenah a tul anga an lo inbuatsaih theih nan an programme an hriattir hmasa thin tur a ni.

3.       Kawngzawh huaihawttu te chuan an kawngzawh tumna hmun thu ah khapna thupek dinglai a awm leh awmloh an hrechiang hmasa tur a ni a. Thuneitute phalna an hmu anih loh chuan chutiang dan (order) dinglai chu an zawm ngei tur a ni a, traffic dan dinglai pawh uluk takin an zawm tur a ni.

4.       Traffic tibuai lo thei ang berin kawngzawh huaihawt tur a ni a. Kawngzawhtute chu an in tlar thui viau dawn chuan hlawm (segment) hrang hranga inthen in, hlawm tinte inkarah hmunawl (interval) awmin kal tur a ni. Lirthei dankhawm a tam lutuk loh nan hlawm khat an kal hnuah lirthei lo dingkhawm sa ho chu kaltir phawt zel tur a ni .

5.       Kawngpui humhalh a tichhe lo tur ang ber leh Police te thurawn zawm tha chungin kawngzawh huaihawt tur a ni.

6.       Political Party pahnih emaw a aia tam emawin kawng thuhmun leh hun thuhmunah kawng an zawh duh chuan a insu buai lo tur leh traffic tibuailo thei tur ang berin kawngzawhn huaihawttute an in be fel sa vek tur a ni8 a, hemi thu ah hian police te remruatpuina a tangkai dawn avangin kawngzawh huaihawt tum party ten a hma thei ang berin police an hriattir tur a ni.

7.       Kawngzawhtute zingah phur luat avanga pawngpawrh an awm thei a, hetiang huna hman sual theih tur bungrua lehn hmanraw hlauhawm ikeng an awm chuan Party/Candidate ten an thunun ngei ngei tur a ni.

8.       Party dang mite emaw, an hruaitute emaw lim (effigy) keng a, vantlang hmuha hall eh chutiang lam thila punkhawm reng reng eng Party/Candidate mahin an phal tur a nilo. 

SAWRKARNA CHELH MEK TU PARTY TE ZAWM TUR :

1.       Central/State sawrkara rorel lai party chuan inthlan campaign beih nan an lalna/nihna (official position) an hmang miah tur a nilo.

2.       Minister ten official visit leh election campaign an nei kawp tur a nilova, inthlan campaign nan sawrkar hnathawkte an chhawr tur a nilo.

3.       Rorel lai Party te hlawkna leh hamthat nan sawrkar thil – thlawhtheihna, lirthei, hmanrua leh mihring hman loh tur a ni.

4.       Rorel lai Party in election meeting neihna atan vantlang hmun (public place) te, election thila zin vel nan thlawhna tumhmun te an pumbilh tur a ni lova, chutiang hmun leh thildangte pawh Candidate/Party dang ten ruling party te ang chiahin an hman phalsak tur a ni.

5.       Rest House, Bungalow leh sawrkar in dang reng reng te pawh rorel lai party emaw an candidate tee maw in an pumbilh tur a nilova, chutiang hmun te chu Party/Candidate dangte pawh rualkhai takin an hmang ve tur a ni. Eng Party/Candidate mahin Sawrkar in leh hmunhma te campaign office atan emaw, election thila public meeting neih nan emaw hman phal a nilo.

6.       Sawrkar sum ringa chanchinbu leh hmanraw dang hmanga inpuanzar (advertisement) te, rorel lai party te hlawkna tura an hlawhtlinna thu sawrkar hmanraw hmanga puanzar te hi Election hun chhung chuan tih miah loh tur a ni.

7.       Election Commission-in inthlan thu a puan ni atanga chuan Minister emaw thuneitu dang tumahin tanpuina sum (grants/payments) an semchhuak tawh tur a nilo.

8.       Election Commission-in inthlan a puan ni atang chuan Minister emaw thuneitu dang tumahin :-

a)      Sum a tanpuina (financial grant) chi reng reng leh chutiang tihsak tura intiamna tawngkam an chhak chhuak tur a nilo.

b)      Eng project/scheme atan mah lungphum (foundation stone) phum leh a dangte tih loh tur a ni.

c)       Kawng sialna tur emaw, tui in tur ngaihtuahsak leh a dangte pawh an tiam (promise) tur a nilo.

d)      Party-in vote a hmuh phah theihna thilah chuan sawrkarah leh sawrkar hmalakna reng rengah tumah hna ah appoint loh tur a ni.

9.       Central/State sawrkara Minister-te chu Candidate/Voter/Authirised Agent an nihna hmunah chauh lo chuan polling Station-ah emaw vote chhiarna hmunah emaw an lut tur a nilo.