15/2023-2024

Dated Serchhip, the 3rd April, 2023: Ministry of Women & Child Development ruahmanna anga ni 20th March, 2023 atanga hman tan Poshan Pakhwada, 2023 chu tluang taka hmangin vawiin khan Serchhip DC Meeting Hall-ah a kharna hun hman a ni a, Pu Lalmuansanga Ralte, Addl. DC, Serchhip chuan khuallian niin a hmanpui.

Khuallian chuan, Poshan Pakhwada Forthnight chu thawktute inpekna zarah tluang takin kan hmang thei a, a lawmawm hle a. Ministry of Women & Child Development in district level-a naupang leh hmeichhe chaklo zawkte chawikan nana a hmalaknate mitinin lo hria se, lo hmang tangkai se a duh thu a sawi a ni. Heng atana sum lo kalte hi thawklehkhatah a pung thut dawn lova, chuvang chuan engtinnge tangkai zawkin kan hman theih ang tih pawh ngaihtuahin thawktute pawhin tan la thar zel turin a chah bawk. Social Welfare Department thlazar hnuaia hmalakna chi hrang hrang awm te, hmeichhe naupang enkawlna lam te, hleilena tuar hmeichhiate tluk luhna tur One Stop Centre te pawh mipuite pawh kan hmelhriat chho zel a; chutih rual chuan enkawl tur mi tam tak kan nei lo hi thil lawmawm lam a ni thung a ni. Khawtlang kan inenkawlna a tha a ni tih a hriat a, kristianna hian kan nun hi a khalh ngil niin a hriat a, a lawmawm hle a ni, a ti.

He hun hi Pi Caryll Lalpari, CDPO Serchhip Project, chuan a kaihruai a. Pu James Lalremliana, District Coordinator, Poshan Abhiyan chuan Forthnight an hman dan tlangpui report a pe a ni.

He hunah hi department chhunga thawktute bakah Anganwadi Centre hrang hranga thawktute an tel a ni.