3958/2022-2023

Vawin khan Directorate of Women & Child Development buatsaihin, POSHAN Pakwada 2023, kar hnih chhung Nutrition beihpui thlakna hman mekah IEC DAY (Promotion of Saksham Anganwadi & POSHAN 2.0) chu Millenium Centre tual leh a chhung (Atrium)-ah te neih a ni a. Taksa hriselna leh chakna atana chaw tha pawimawhna inzirtirna leh Anganwadi Centre hlutna te ngaihthlak a ni a. S. Malsawmtluanga (Mama) Footballer, leh Zirsangpuii Miss Mizoram ten thusawina hun an hmang a ni.

He hunah hian Women & Child Development Department Officers leh Staff te bakah Miss Mizoram Foundation, Footballer Association leh Mizoram Super League Basketball Players-te an tel a. Shai Hills Band leh Benjamin Sum ten hun an hmang bawk a ni.

Atrium (Millenium Centre ground floor)-ah Millets hmang eitur hrisel chi hrang hrang Cookie Jar-te siam pho chhuah a ni a, Mipui tan Photo Booth siam niin thla latu ten Instagram-ah #poshanpakhwada tih caption hmangin likers ngah mi pathum tan lawmman siam a ni.