Power & Electricity Engineering Officers’ (PEOA) Annual General Conference vawi 18 na chu vawiin khan neih niin, Pu R.Lalzirliana, Minister P&E Deptt. chuan a hmanpui.

Pu R. Lalzirliana chuan kawlphetha chu ram hmasawnna atana pawimawh ber pakhat leh a mamawh ber pakhat a nih thu sawiin, chumi enkawltu leh siamchhuaktu engineer rualte chu mithiam an nih angin beiseina sang tak nen mipuiin an thlir a ni a ti a. Mahni hna chelh leh chanpual te hnehsawh taka enkawl tur leh thil thar leh chindan thar tha zawkte hmang ve zung zung thei tura inzir reng turin PEOA member te chu a fuih a ni. Minister chuan sorkar hnathawk rinawmlo tlemte avangin sorkar hnathawk hmel a tihbalh thin thu a sawi a, hemi tireh turin mahni hna theuh rinawm tak leh theihtawp chhuaha kan thawh angai a ni a ti. He hunah hian “Kawlphetha” tih PEOA buatsaih chu Minister chuan a tlangzarh nghal a ni.

PEOA Conference hawnna inkhawm hi Er.Vanlal Tlana, President PEOA in a kaihruai a, association hmalak dan te leh hnathawh dante Er.Zothansanga, Gen.Secy in tarlangin, association member April 1st, 2017 a boral Er.WC Lalchhuanliana, Sr.EE  sunna hun hman a ni a. Chawhnu lamah rorel inkhawm neih a ni. Vawiin Conference hawnnah hian Pu H.Lalengmawia, Secretary, P&E Deptt. chuan khualzahawm niin a telpui bawk. PEOA ah hian member 139 an awm mek a ni.