No.4314/2021-2022
Aizawl, 17th March, 2022 : Vawiin khan Power & Electricity Minister Pu R.Lalzirliana hovin Department hrang hrang Environment, Forest & Climate Change Department, Soil & Water Conservation Department, Land Revenue and Settlement Department, Tourism Department, Fisheries Department, Deputy Commissioner, Kolasib District, YMA Sub-Headquarters, Kolasib leh Power & Electricity Department a mi te chuan Serlui ‘B’ Small Hydel Project-a tui luang lut tlem zel bakah sangha leh nungcha dangte humhalhna kawngah leh a lui kam vela ramngaw tih chereu zel a nih avanga leilung luangral tuikhuah chhunga lut avanga reilote a tui tling awm thei mang lo tur hial a nih dawn avangin engtia hmalak tur nge tih sawiho a ni.

Mizorama kan tuihnate humhalh a tulzia kan hriat hi a tul em em a. Mipuite pawhin chutiang atana hma kan lak theuh a tul hle in he meeting hian a hria a. Mizorama Hydro Electric Project kan siamna hmun luite phei chu humhalh leh zual a ngai hle a ni tih mipuiten kan hriat a tul takzet a ni.

Mizoramin Hydro Electric Project kan ta bil kan neih len ber Serlui ‘B’ Project bik hi humhalh a tul takzet a. Hemi humhalhna tura hma lo la turin Field Monitoring Team, Deputy Commissioner, Kolasib District kaihhruaina hnuaiah din nise tiin thu tih tluk a ni a. He committee hian chak takin hma a la nghal dawn a, mipuite tawiawmna a ngen nghal a ni.