3139/2024-2025
Aizawl, November ni 22, 2024: November ni 21, 2024 (Ningani) khan Mizorama Smart Metering Project thawktu tur Contractor/Advance Metering Infrastructure Service Provider (AMISP) leh P&E Department chuan P&E Minister Pu F Rodingliana hovin a pisa-ah inremna (agreement) an ziak.
Sawrkar laipuia Ministry of Power hmalakna in India ram pumah Electric Power Distribution tihchangtlunna tur Revamped Distribution Sector Scheme (RDSS) hnuaiah Smart Metering Project hi thawh tur niin, India State tam zawka kalpui tawh chu Mizoram ah hnathawh bul tan a ni ve dawn ta a ni.
Smart metering hi Pre-paid mode a kalpui tur a ni a, a hna hi TOTEX mode a thawh tur a ni ang. Chumi awmzia chu Contractor/Advance Metering Infrastructure Service Provider (AMISP) ten anmahni sum sengin engkim an thawk vek ang a, Meter a tha chiang ngei (go-live) tih a chian atanga thla khatna atangin Consumer te Smart meter service charge hi Department-ah thla 93 chhung bill an submit ve thung ang. Sawrkar laipui hian Meter man (benchmark price) atanga 22.5 % min tum sak dawn avangin thla tin a AMISP in an rawn bill tur hi a su hek nual ang.
He hna (AMISP) thawktu tur thlanna hi E-Tender tihchhuah niin open competitive bidding hmanga thlan a ni a, tuna Contractor thlan takte hi ni 14.10.2024 ah Letter of Award pek a ni a, ni 21.11.2024 ah Contract Agreement sign a ni ta a ni. Smart meter installation hna hi Letter of Award pek atanga thla 27 chhunga zawh tur a ni a, an zawh atanga thla 93 chhung an enkawl zui ang.
Smart Metering Scheme atanga hlawkna awm thei te:
1. Mipuiin Eng kan chhit man hi pek lawk (pre-paid) vek tawh tur a nih dawn avangin collection efficiency hi 100% a ni thei tawh dawn a, Electric bill ba a awm tawh dawn loh avangin thla tina bill dawn hi a pung thei dawn a ni.
2. Bill siam sual, Bill sem tlai leh reading lak mumal loh a awm tawh lo ang.
3. Online-a bill pek tur anih dawn avangin duh hun hunah consumer ten an pe thei tawh anga, thla tawpa a hlawm a bill pek ngai tawh lovin mipuiin thla khatah a mamawh ang tawk zelin duh zat zat thla khat chhungin a top up thei ang a, a duh zawk chuan thla 2, thla 3 tan pawh a pe lawk thei tawh dawn a ni.
4. He contract agreement ziah takah hian Mizoram a consumer 289,383 te tana Pre-paid Smart meter vuah sakte, Distribution transformer (DT) 2,300 Nos a Smart meter vuah leh 11kV Feeder 398 Nos atana Smart meter vuah te a keng tel a ni.
Smart metering hi hlawhtling taka hman theih a nih hunah chuan tuna P&E department in Meter Reader engemawzat a neih te hian hna tûl dang an thawk thei ang a. Thawktu indaihlohna nasa taka sutkian na hmanrua leh sum renchemna hmanraw tangkai tak ani bawk ang.
He Project hi a lian tham in, thil thar anih bawk avangin a thawktu tur pawh duh ang ang hmuh theih a ni ngawt lova. Hemi avang hian P&E Department chuan Mizoram mipuiten ram hmasawnna tur hna pawimawh tak thawktute hi a tul hun apianga lo tanpui a, chak zawk a hna thawh anih theih nan theihtawp lo thawhpui theuh turin mipuite a ngen a ni.
Attachment
- Loading attachment...
