NLUP hmahruai tia sawi thin leilet neitute hnena man tlawm zawka power tiller pek chhuahna inkhawm chu vawiin chawhma khan Lawngtlai-a Dokulha Hall-ah buatsaih a ni a. Hetah hian Agriculture changtu Parliamentary Secretary Pu K.S. Thanga chuan Lawngtlai District huamchhunga leilet neitu mi 16 te hnenah power tiller hi a pe chhuak a. A dawngtute hian power tiller man 25% sengin a dang 75% chu sorkar tum sak an ni.
Hemi pual inkhawm hi Lawngtlai DC Pu Thlamuana’n a kaihruai a. Parliamentary Secretary Pu K.S. Thanga chuan thu sawiin tunah chuan Mizoram-ah sorkar tha, ngelnghet leh mipui huap a ding tawh a. Chuvangin sorkar tha neih chhunzawm zel tur hian mipuite pawh an that a tul a, sorkar hmalakna thlawp thiam a tawiawm chu mipuite mawhphurhna a ni ve thung ang a ti. NLUP thil tum sawinawn leh in rethei dawmkanna tur leh eizawnna ngelnghet siama an rahbi tukna tur a nih avangin a hlawlthlinna chu a dawngtute ko ah a in nghat lian hle a, chuvangin rinawmna, taimakna, tumruhna nen NLUP hman tangkai tum turin mipui a chah a. NLUP hi malsawmna hnuhnung hlawhtlin pui anih loh vaih chuan a bak beisei tur awm leh thei a ni lovang a ti.
He huna tel ve Parliamentary Secretary Pu H. Zothangliana pawhin Lawngtlai bial leilet neitute tana power tiller pek an ni ve chu lawmthu a sawi a. Dik tak leh tangkai taka hman anih chuan intodelhna kawng thui tak a inhawng a ni tiin NLUP hun reilote a pekchhuah tur pawh rilru thianghlim taka lo hmuak turin a chah nawn leh a ni.
Vawiina power tiller pekchhuahna hunah hian Lawngtlai district officers pawimawh bakah Aizawl atanga Parliamentary Secretary te tawiawmtu Director, Crop Husbandary, Agriculture Pu P. Bhattacharjee pawh a tel.
He huna tel ve Parliamentary Secretary Pu H. Zothangliana pawhin Lawngtlai bial leilet neitute tana power tiller pek an ni ve chu lawmthu a sawi a. Dik tak leh tangkai taka hman anih chuan intodelhna kawng thui tak a inhawng a ni tiin NLUP hun reilote a pekchhuah tur pawh rilru thianghlim taka lo hmuak turin a chah nawn leh a ni.
Vawiina power tiller pekchhuahna hunah hian Lawngtlai district officers pawimawh bakah Aizawl atanga Parliamentary Secretary te tawiawmtu Director, Crop Husbandary, Agriculture Pu P. Bhattacharjee pawh a tel.
