No.4975/2020-2021

Dated Serchhip, the 11th September, 2020: Ministry of Women & Child Development, Government of India chuan Pradhan Mantri Bal Puruskar Award, 2021 chu naupang thlan bik hnenah leh mimal emaw Pawl hnenah kum danga a lo tih thin angin a sem leh dawn a. He Award hi chi hnihah siam niin naupang pual Award Bal Shakti Puruskar leh mimal (puitling) emaw pawl hnena pek chi Bal Kalyan Puruskar te an ni.

Bal Shakti Puruskar hi naupang thil thar chinchhuah (innovation) te, finna emaw thiamna chungnung tak (scholastic) nei te, sports, art & culture, vantlang tana rawngbawlna (social service) leh huaisenna lama mi hmingtha bikte hnenah pek thin niin, lawmman hian pawisa fai Rs. 1 lac bakah medal, certificate leh citation booklet te a keng a ni.

Bal Kalyan Puruskar erawh hi chu mimal emaw pawl, naupangte hmasawnna te, an himna te, an thatna tur atan tea thawk thate hnenah hlan thin a ni thung a. He lawmman hi mimal hnena pek a nih chuan pawisa fai Rs. 1 lac bakah citation, medal leh Certificate te pek an ni a, pawl hnenah hlan a nih chuan pawisa fai hi Rs. 5 lac pek an ni thung. Heng lawmman dawngtute chu President of India in Rashtrapati Bhavan Durbar Hall ah kum tin Republic Day denchhenin ropui taka hlan thin an ni a. Prime Minister of India pawhin lawmpuina hun leh Republic Day Parade a an tel ve na tur hun bikte a siam sak hial thin a ni.

He lawmman dil emaw dawng tlak nia hriatte rawt theihna hun hi hawn mek a ni a. A tihdan phung kimchang chu www.nca-wcd.nic.in ah en theih niin dilna/rawtna pawh hi online a thehluh tur a ni.

Application Form te chu 15.09.2020 hmaa thehluh vek tur a ni ang.