Finance Minister Pu Lalsawta leh Finance Commissioner Pi L.N. Tochhawng te chuan naktuk June ni 7, 2014 hian New Delhi-a Pre-Budget Consultation Meeting neih mek a tel turin Aizawl an chhuahsan dawn.

Union Budget Session 2014-2015 lo awm tur atana lo inrawn lawkna neih turah hian ram pum ei leh bar dinhmun siamthatna atana Sorkar hmalaknate (macroeconomic policy) leh, sum leh pai dinhmun tihthat (fiscal consolidation) lam te thlur bing a ni ang a. He meeting hian Sorkar laipui leh State Sorkarte inkarah inlaichinna leh thawhhona tha zawk a thlen theih nan leh, ram pum tih hmasawnna hmanrua a nih ngei theih beisei a ni.