1998/2022-2023
Aizawl, the 20th September 2022 : Power & Electricity Department, Mizoram chuan Sawrkar Laipui hmalaknain Revamped Distribution Sector Scheme hnuaiah consumer meter zawng zawngte hi Pre­paid Smart Meter-a thlak vek turin hma a la tan ta a, sanction pawh Department chuan an hmu tawh a. December, 2023-ah chuan Pre-Paid Smart Meter hi hman vek tum a ni. Hemi chungchangah mipui (consumer)-te hnenah Engineer-in-Chief, Power & Electricity Department chuan a hnuai a mi angin hriattur pawimawhte a tarlang :

1) Pre-Paid Smart Meter hian communication atan wireless a hman dawn avangin kan meter dahnate hmun ualau deuh a ngai tawh dawn a, hmun biru leh signal hmuh that theih lohnaa meter dahnate chu hmun ualau zawka dah a nih dawn avangin Department hmalakna tha taka min lo tawiawm turin mipuite kan ngen e.

2) Post-Paid atanga Pre-Paid-ah insawn a ngaih dawn avangin nakinah harsatna kan tawh loh nan electric bill ba te lo pe fel zel turin leh contracted load te pawh eng kan chhit tam lai ber ang mila lo in update turin kan inngen e.

3) Consumer thar, Application theh lut tawh la tifel loh emaw bill dawng lo emaw te pawhin office lamah a rang lama chinfel a nih theih nan bawhzui turin kan inngen e.

4) Pre-Paid Smart Meter hi hlawhtling taka hman a nih theih nan Power & Electricity Department chuan hriattirna chi hrang hrangte la tihchhuah a tum a. Hengte hi lo ngaihvena theih tawpa Department hmalakna lo tawiawma min lo thawhpui turin mipuite kan ngen a ni e.