No.3348/2019-2020
Vawiin khan President of India, Pu Ram Nath Kovind leh Vice President of India, Pu M. Venkaiah Naidu te chuan Governor, Lieutenant Governor leh State leh Union Territory-te Administrator zawng zawng te video-conferencing an neihpui a. Ram pumah COVID-19 hri darh mek dona kawnga Sawrkar Laipui leh State Sawrkar hrang hrang hma lakna te leh hemi kawnga inpuihtawn dan leh hma lakna te tih chak dan kawng hrang hrang an sawiho a. Mizoram Governor Pu P.S. Sreedharan Pillai pawh he video-conferencing ah a tel a ni.
President chuan Sawrkar hma lakna tichak turin khawtlang chakna leh theihna zawng zawng nen tan a tul thu sawiin Governors, LG and Administrator-te chu an mahni state leh UT theuha Indian Red Cross society volunteer-te, tlawmngai pawl leh sakhaw behchan pawl volunteer-te he hrileng mek dona kawnga thawhpui dan kawng hrang hrang dap turin a chah.
President Kovind leh Vice President Naidu te chuan India khawtlang nunah bet midangte tawrhna tawmpui leh tanpui hmangin he hun harsa hi ramin a paltlang ngei an beisei thu an thu an sawi ve ve a. COVID-19 vanga mi rethei zual te, chhuanchham te leh unorganised sector-a hnathawk tuten harsatna hrang hrang an tawh mek chu Sawrkar hma lakna hrang hrang kaltangin sutkian an beisei thu an tarlang bawk. COVID-19 hrileng tamna bik State 14 Governor leh Delhi Lt. Governor te chu an tawn mek te sawi turin an sawm.
Video conferencing, Vice President kaihhruaiah hian ram pum lockdown kara nitin mamawh sem dan kawng state ten an kalpui mek dan te sawiho niin mipuiin harsatna hrang hrang an tawh mek te pawh sawilan a ni.
