No.3347/2019-2020
Dated Serchhip, the 27th March, 2020: Serchhip District Task Force Committee on Covid-19 te chuan Covid-19 laka kan him theih nana theih tawpa hma an lakna tanpuitu, sumdawng, tlawmngaipawl leh khawtlang hruaitute, thuawi taka awm mipui zawng zawng te hnenah lawmthu an sawi a. Hmalakna te tha taka zawm zel turin mipuite a ngen bawk.
Pu Lalchamliana, Home Minister, Hrangturzo bialtu MLA chuan tunah hian a bial mipuite mamawh zual phuhrukna tur thil hrang hrang a ngaihtuah mek a, reiloteah mipuite hnen a thlen thuai beisei a ni. Er. Lalrinawma, Deputy Speaker, Tuikum bialtu MLA chuan a bial chhung khawtinte chu Plastic Tanky 200 litres theuh a pe a, khaw thenkhatin an la inphur thleng lo deuhva, MLA Fund atangin a bial chhung khuaa Task Force te hman turin pawisa Rs. 218000 a sem chhuak bawk. Nimin lama kan lo sawi lan tawh angin Serchhip Bialtu MLA Pu Lalduhoma chuan Glove medium size box 12, Mask Pocket 5 leh Hand Sanitizer Litre 15 vawiina Medical Team te hman turin a pe a. Thenzawl lamah pawh engemawzat a pe bawk. District a kan MLA te chungah DistrictcTask Force a lawm hle a ni.
Medical lama kan thawktute invenna hmanraw chi hrang hrang atan K. Lalnema Store, Serchhip Bazar chuan hmanrua tam tak min pe a, min thui sak bawk a, Dr. C. Vanlalnghaka, Asst. Proffesor leh Pu Zakapa te chhungkua pawhin kan hmanraw mamawh engemawzat min pe a bawk a. An zarah kan mamawh tam tak a thlawnin kan nei thei a ni.
Tin, Government Serchhip College ten Hand Sanitizer siamin, Bank, ATM, Police Thana, Local Task Force hote leh Hospital te hman atan an hlan a, anni mamawh thenkhat hi PHE lam ten an lo tanpui bawk a. An chungah District Task Force a lawm hle.
Tin, veng leh khaw hrang hranga Village Level Task Force te mamawh thilpek, pawisa fai leh thil dang petute zawng zawng, kohhran, pawl leh mimal chungah lawmthu a sawi bawk.
District chhung hmun hrang hranga inkhung hrang tura tih ten thuawih taka sawrkar ruahmanna zawm a, sawrkar an thawhpuinaah lawmthu a sawi bawk.
