2505/2022-2023
Aizawl the 1st November, 2022 : Mizoram State Sorkar Notification No.B.12021/10/04-TRP Dt.22.8.2008 leh Section 115&117 of MV Act 1988 in thuneihna a pek angin, Smt. Droupadi Murmu, Hon’ble President of India in ni 3.11.2022 (Ningani) leh ni 4.11.2022 (Zirtawpni) hian Mizoram a lo tlawh dawn avangin a hnuaia mi ang hian S.P Traffic, Aizawl chuan thupek a chhuah.
1. Mizoram University to Raj Bhavan: Tanhril, Sakawrtuichhun, Tuivamit, Chawlhhmun, Luangmual, Vaivakawn, Dawrpui Vengthar, Dinthar, Tuikual North leh Tuikual South kawngpui dung ah te hian ni 3.11.2022 (Ningani) Zing Dar 6:00 atanga Tlai Dar 6:00 inkar ah Lirthei leh Bungrua engmah dah phal a ni lo.
2. Tin, Hon’ble President of India-in ni 4.11.2022 (Zirtawpni) ah Mizoram Legislative Assembly House a tlawh dawn avang leh a haw dawn avangin Raj Bhavan atanga Thuampui Helipad; Venghlui, Dawrpui, Zarkawt, Chanmari, Chaltlang, Bawngkawn leh Thuampui huam chhung kawngpui dungah te hian ni 3.11.2022 (Ningani) Zan dar 9:00 atanga ni 4.11.2022 (Zirtawpni) Chhun dar 12:30 inkar hian Hon’ble President of India chetvelna tibahlah thei Lirthei leh Bungrua engmah dah phal a ni lo.
Ni 3.11.2022 leh ni 4.11.2022 -a Hon’ble President of India chetvelna tibahlah thei thil; a chunga tarlan huam chhung kawngpui dungah te hian a awm tur a ni lova; lirtheia veivakte’n hriatlohna avanga buaina kan tawh lohna tur leh tul lova hun kan sen thlawn loh nan lo inhmakhuaa, pumpelh dan kawng zawng turin kan in ngen a. Tluang taka Hon’ble President of India a vei vah theih nan lirthei te pawh nidang aia rei din a ngai dawn tih kan inhriattir bawk a ni.
A chunga sawi kawngpui dunga Lirthei chhia emaw bungrua emaw kawng dala awmte chu Traffic Control Room-ah (Ph No: 0389-2322307/0389-2313061/ 9366553559) report tur a ni a. In report lo te chu hnuhsawn/dahsawn sak an ni ang.
