2506/2022-2023
Sahmulphah thla ni 1, 2022: Nimin October ni 31, 2022 zingkar khan Sardar Vallabhbhai Patel pian champha phak pualin Nehru Yuva Kendra (NYK), Lawngtlai District huaihawtin Lawngtlaiah inpumkhatna atana intlansiak, "Unity Run" buatsaih a ni.

Unity Run hi zing dar 7-ah AOC Petrol Pump atangin Lawngtlai District Sports & Youth Officer Pu H. Vanlalbiakzauva chuan a vai liam a. AOC petrol pump a?anga tlan ?anin, Lawngtlai College Venga 71 RCC-ah a hmawr bawk a ni.

He Unity Run-ah hian Lawngtlai khawpui chhunga thalai mi 60 chuang tlanin, a tawp thlengin an tlan chhuak vek a ni.

NYK buatsaih Unity Run 2022-a pakhatna, pahnihna leh pathumna te hian pawisa fai leh certificate an dawng theuh va. He'ngte hi lawmman dawngtute chu an ni:

1. Pakhatna:
Osachondrao, Sabualtlang

2. Pahnihna:
Lalkaisanga, Lawngtlai Chandmary

3. Pathumna:
Lalramdika, Lawngtlai Council Veng

NYK huaihawt Unity Run hi Lawngtlai khawpui bakah hian Lawngtlai District chhung khaw hrang hrangah buatsaih a ni bawk.