1215/2022-2023
Aizawl the 12th Juley, 2022 : Kan hma lawk July ni 18, 2022 (Thawhtanni) ah India ram hotulu ber President Inthlan awm tur atan Mizoramah pawh nasa takin inbuatsaihna kalpui zel a ni a. Vawiin khan Assembly House Committee Room-ah ARO & Presiding Officer Pu H. Lalrinawma, Commissioner & Secretary, MLA chuan chanchinthar lawkhawmtu (media) te kawmin India President thlanna atana hmalakna leh thil hriat tur pawimawh tak takte a hrilhfiah.

Vawiina Press Briefing neihah ARO & Presiding Officer-in a tarlan langsar zualte chu a hnuaia mi ang hi a ni :
1. Date of poll - 18.7.2022 (Monday) 10:00a.m. - 5:00p.m.
2. Place of poll - Committee Room, Main building, Mizoram Legislative Assembly
3. Name of Returning Officer - P.C. Mody, Returning Officer for the Presidential Election, 2022 and Secretary General, Rajya Sabha, Parliament House, New Delhi.
4. Name of Assistant Returning Officer for Mizoram - 1. H. Lalrinawma, Commissioner & Secretary, Mizoram Legislative Assembly, 2. Lalhmahruaia Zote, Additional Secretary, Mizoram Legislative Assembly
5. Name of Presiding Officer - H. Lalrinawma, Commissioner & Secretary, Mizoram Legislative Assembly
6. Name of Polling Officer - 1. R. Lalchhandami, Under Secretary, Mizoram Legislative Assembly, 2. Lalrinawma Sailo, Under Secretary, Mizoram Legislative Assembly
7. No. of Voters - 1. Elected MLAs - 4033, 2. MPs - Lok Sabha - 543, Rajya Sabha - 233, Total - 776, 3. Total Electors - 4809, 4. Total value of Votes - 10,86,431
8. Value of vote of each MLA (Mizoram) - 8, MP - 700
9. Ballot Box - Election Commission of India ta hman tur a ni a. Election Commission of India Office atanga Ballot Box, Ballot Paper leh a kaihhnawih lehkha dangte (connected paper) zuk la turin Joint Chief Electoral Officer leh Deputy Secretary, Mizoram Legislative Assembly Secretariat an kal a, ni 14.7.2022-ah an rawn hawpui ang a. Lengpui Airport atangin Police escort-na hnuaiah Strong Room, Assembly House-ah thlenpuia dah tur a ni. Strong Room hi darkar 24 chhung Police-in an veng ang.

Polled Ballot box leh connected document-te chu inthlan ni tuk ni 19.7.2022 (Thawhlehni) ah Assistant Returning Officer in Returning Officer hnenah thehlut tura Election Commission of India in a siam angin, Pu H. Lalrinawma, Commissioner & Secretary, Presiding Officer-in Officer pakhat hruaiin venhimna hnuaiah Returning Officer Office, Parliament House-ah a dah let ang.

Inbuatsaih dan :
1. Ni 13 June, 2022 khan Chief Election Commissioner leh Returning Officer hovin State tin atanga Assistant Returning Officer leh Chief Electoral Officer ten New Delhi-ah Workshop neih a ni.
2. Ni 6.7.2022-ah Chief Election Commissioner leh Returning Officer te nen video conferencing hmangin meeting neih a ni.
3. Ni 8.7.2022-ah Acting Chief Electoral Officer hovin a kaihhnawih department hrang hrang hotute nen meeting neih a ni.
4. MP te chu Parliament House-ah vote thlak tura ngaih an ni a, MLA te chu mahni home state, Assembly House-ah vote thlak tura ngaih an ni bawk a. Engemaw tul avangin Delhi leh State dang headquarters-ah vote thlak phalsak theih an ni a, amaherawhchu inthlan ni hma ni 10 tal a dilna Returning Officer hnenah thehluh tur a ni.

Covid-19 hri a darh leh mek avangin fimkhurna tur chi hrang hrang a hma lak a ni a. Member-te zingah Covid positive an lo awm palh a nih chuan Election Commission of India instruction angin last hour-ah vote an thlak theih nan ruahmanna siam a ni ang. Election Commission of India chuan voter ten kim taka vote an thlak a duh a, chumi atan chuan Returning Officer/Assistant Returning Officer te a tul apianga kawng zawng turin tihdan tur chiang taka hrilh an ni.

Kumina Presidential Election hi a tum 16-na tur a ni a. Presidential Election, 2022 ah hian contesting candidate pahnih - 1. Shrimati Droupadi Murmu Baidaposi, Ward No.2, Rairangpur, Distt. Mayurbhanj, Odisha leh 2. Shri Yashwant Sinha 228, Sector 15A, Noida, Uttar Pradesh te an awm.

Vote hi ni 21.7.2022 ah Returning Officer Office Room No. 63, First Floor, Parliament House, New Delhi ah chhiar a ni ang.