No.1171/2021-2022

Dated Serchhip, the 29th June, 2021: Vawiin hian Pu K. Saitluanga, MIS, DIPRO Serchhip chuan Serchhip District-a Accredited Journalist mi 12 te hnenah Press Accreditation Card a hlan.

Pu K. Saitluanga chuan thusawiin tunlai khawvel ah mitin ten Media hna kan thawk ta emaw tih mai theih turin media hmanrua a tha tawh a, chutihrual chuan tuna Accreditation pek thar te erawh chu sawrkar hriatpui thlap Journalist an ni tih lanna a nih avangin a hlu hle a ni. An nihna chu midangte chunga inlekna hmanrua leh an harsatna thlen nana hmang lova, mipui rawngbawlna atana hmang tlat turin a chah a, accredited an nih ang ngeia an rintlak zia tilang thin turin a sawm a ni.

He hunah hian Pu Kapliana Pachuau, President, MJA Serchhip District pawhin Accreditation Card an dawng leh ta chu lawmawm a tih thu sawiin an Accreditation Card te a tangkai thin hle tih a tarlang a ni.

Vawiin a Serchhip District-a Press Accreditation Card pekchhuah mi 12 zinga mi 10 te hi Serchhip Town chhung ami niin midang pahnih te hi Thenzawl khua a mi te an ni a. He Card hi kum 2 chhung (March 2023 thleng) a nung (valid) a ni.