No.7433/2020-2021
Vawiin ni 3.2.2021 khan Planning & Programme Implementation Department, Govt. of Mizoram leh SIRD&PR Mizoram tangkawp buatsaihin Village Level Development Programme (VLDP) hnuaia thlanchhuah khaw 6 – Sailam, Chawngtlai, Lungdai, Sekhum, Ailawng, leh Leng khua-ah ni 3 chhung awh tur “Awareness Campaign on Village Level Development Programme (VLDP), Preparation and Plan Formulation” neih tan a ni. Sailam-ah chuan Zoluti Inpui-ah Pu Khawlsiamthanga Khawlhring, Sr. Core Faculty kaihhruaina hnuaiah he hun hi hman niin, hun hman dan tur leh VLDP chungchang sawifiahna a nei a. Pu Zohmingsiama, VCP, Sailam chuan inlawmna thu a sawi bawk. Chawngtlai-ah chuan Chawngtlai Community Hall-ah neih niin, Pu H. Lalremsanga, VCP-in kaihruaiin, Dr. Saithangpuia, BDO, Khawzawl chuan Khuallian niin a hmanpui. Lungdai-ah chuan Pu ZR Thafala, Principal, ETC, Kolasib kaihhruaina hnuaiah BNRGSK Hall-ah neih a ni bawk. Sekhum-ah chuan Community Hall-ah neih niin, Pu K. Lalremruata, Faculty, ETC, Pukpuiin kaihhruaiin, VLDP nihphung tlangpui sawi hawnna a nei a. Pu Tlangtimawia, DAO, Lunglei District chuan Khuallian niin a hmanpui a, he Awareness Campaign hi a hawng a ni. Ailawng-ah chuan Khuangchera Hall-ah a hawnna inkhawm hi neih niin, Pu B. Lalpuia, Head Faculty, District Panchayat Resource Centre (DPRC), Mamit-in kaihhruaiin, Pu K. David Lalthanmawia, Faculty, SPRC, SIRD & PR chuan VLDP nihphung tlangpui sawi hawnna hun a hmang bawk.
Leng khua-ah chuan YMA Hall-ah he Awareness Programme hawnna inkhawm hi neih niin, Pu B. Lalfinga, VCP, Leng chuan kaihruaiin, Pu Vanlalhruaia Ralte, Head Faculty, DPRC, Serchhip chuan VLDP nihphung tlangpui sawina a nei bawk.
Awareness Campaign on Village Level Development Programme (VLDP), Preparation and Plan Formulation neih chhung hian Line Department hrang hrang te’n an Department hmalakna tur hrang hrang te tarlangin, SIRD&PR Faculty te’n zirtirna pe in, PRA Exercise te neih puiin, an khaw hmasawnna tur atan Ruahmanna (Plan) siam dan te zirtirin, an siampui dawn bawk a ni.
