Press Council of India (PCI) chuan tun hnuaia journalist pahnih PCI hriatpuina neia inchhal a letterhead leh signature lem siam an awm thu tarlangin, tumah hetianga diklo taka Press Council of India hming chhal a thil ti awm tawh lo se tiin, chutianga ti an awm chuan dan angin an chungthu ngaihtuah a nih theih thu an chhuah a ni.

Administrator, Konkan Housing & Area Development Board (MHADA Unit), Mumbai chuan lehkha in 6.7.2017 khan journalist pahnih an credential PCI in a siam sak an hnena an thehluh chu a tak a ni em tih finfiah turin PCI hnenah a thawn a. PCI chuan he mite lehkha leh letter head bakah signature awm te chu a lem vek a ni tih a finfiah a, heihi Emblem and Names (Prevention of Improper Use) Act 1950 bawhchhiatna a nih thu a tarlang bawk.