MG Road Bible House bul lei tlahniam bul siam that mek ah PWD chuan a hnuai mi ang hian thu chhuah an siam.
Bible House bul lei tlahniam intan hun hi Kum 2017 January thla tir te a ni a, Black Topped surfaced-ah khi a rawn siam chu ni 12.1.2017 hian P.W.D chuan seal coating hmangin Crack Sealing thawh a ni nghe nghe. Lei khi hi zawi zawia a zauh zel avangin tui lut tur veng turin kawng chhak lamah RCC Side Drain siam zui niin, Bible House leh a chheh vel tui hawk awm thin zawng zawng chu City Park bul Culvert-ah paih phei vek a ni ta a ni.
He lai hmun hi a chet nasat zel avangin Retaining Wall satliah maia tihdam rual a nih loh avangin RCC Counterfort Retaining Wall siam tura hmalak zui ani a, Plan leh Estimate te pawh siam zawh vek a ni nghe nghe. Amaherawh chu Counterfort Retaining Wall hi thil manto tak, a hnung lamah filling rit tak awm bawk tur anih avangin a leilung chhung ril awm dante zir chian hmasak nise tih a nih angin Geology & Mineral Resources Department lamin leichhungril verhin engtia thuk a foundation laih ngai nge tih an en ta a, hei hian hun a duh rei hie a, restoration hna hi thawh mai theih a ni ta lo a ni. Geology & Mineral Resources lamin an leiverh atanga an hmuh danin helai lei chetna ah hian lei nghet awmna a lo thuk hie in, 12.60 meters zeta thuk a nih avangin Counterfort Retaining Wall siam pawh a him chuang lova hriat a nih leh tak avangin ruahmanna dang neih a lo ngai ta ani.
Ruahmanna tharah chuan a tawn tawnah lei nghet china thu turin RCC Bridge siam turn niin, Estimate te pawh siamfel a ni hman nghe nghe. Amaherawh chu a thui zawng (Span) te leh a hnuaia dona (Shuttering & Propping etc.) tur enin RCC Bridge chu remchang lo zawka hriata ni leh ta a, BUG Bridge siam tura ruahman a nita zawk ani. Hemi atan hian uluk taka design te siam a ngaih avangin mithiam zawn nghal niin, hun engemaw chen design nan hian a kal ta bawk ani.
Tichuan BUG Bridge dawh hna chu 2018 February atangin lima lak tan a ni a,MG Road siam that nana Lei dawh mek hi atira ruahman dan chuan June thla chhunga zawh hman turn a ni a. Hun tiam chhunga ti zo hman ngei turin ruahmanna pawh mumal leh fel fai taka siam a ni nghe nghe.
Working season lai a nih avangin hnam dang thir lam khawih thiam bik zawn hmuh ringawt pawh harsa tak a ni a, vanneih thlak takin Lei foundation laih tan ni atangin thir lam hnathawk tur pawh mi 20 (Sawmhnih) zawn hmuh nghal a ni a. MG Road siam that nan a Lei (Bridge) hi Steel Structure hmanga duan anih angin, thir, a bika siam, tarn tham tak order lak vek a ni bawk. Hetianga foundation thawh tan mek a nih lai leh, inpuahchahna tarn tham tak kalpui a nih laiin Zophai lam harsatnain kan inpuahchahna a tibuai hie. Hnam dang hnathawk te Zoramah awm ngam lovin an ram lam an pan a, India rama State dangah te pawh hna kal vanglai a nih avangin thir bungrua lo order tawh pawh State dangah an lo hralh chhuak hman leh bawk a. Engkim a thara order a ngaih leh phah ta a ni.
Zophai buai a tawp a, a tira inpuahchahna a sukuk zawh hnuin hun tiam chhunga hna zawh hman tuma thar thawh leh a ni a. Turn leh inpuahchah angin thil a kal thei tawh lova. Fur ruahin mi a rawn nang tan a, ruahsur hnuaiah thir Welding leh verh hna thawh a ngai a, hei hian Electric khawl leh bungrua t.ihchhiat a neih nual avangin phai lam atanga chah chhuah a ngaih leh phah ta a ni. Atira chhun leh zan thawk tura inpuahchah a nih laiin veng chhung lam atanga harsatna tawh a nih tak avangin zan lamah pawh Dar 9:30 PM thleng chauh thawh theih ani a, beisei aiin hnathawh a muan phah hie.
Leih dawh hna hi hna indawt chhawng diat (Sequential Work) a ni a. Hnathawktu phut mur mur ngawt hi hna sawtna a ni ringawt thei lo. Chhun leh zan chawl lova mar pata thawh ngai zawk thil a ni.
Thir lian leh rit tham tak tak chawi sawn leh remkhawm ngai a ni a. Thir rit chawina (Crane) hman lo turn lawk pawh kawng chhak lam Retaining Wall leh Footpath ten a dawl zo tawk dawn lova hriat a nih leh tak avangin hman theih a ni leh ta lova. Mihring tha leh khawl mawlmang (simple machine) hmanga chawi sawn leh remkhawm a ngaih phah ta a, hna a muang lo thei lo ani.
Hna kalpui turn dan anga khawl chakna hman a rem tak loh avangin steel cable hmanga khai chhoh turn a ni leh a, cable chah vanga hnathawktute inhliam an awm tak nual avangin tih chhunzawm ngam chi niin a lang ta lo. Chain pulley hmanga rem khawm mai ni se tih ngaihtuah leh a ni a, chain pulley tan chhan atan Trestle Structure design chawp leh ani. Design leh Estimate te siamin, submit tawh a ni a, approval awm veleh a top member vuah khawm chhunzawm leh nghal turn mek a ni bawk. Hna tan anih atanga harsatna awm tawh, electric cable leh cable dang bridge sak mek chunga inzam hnawk chu thuneitu lamah tikiang tura ngen leh hriattir an ni tawh a, tihfel a la nih loh avangin vertical member te tun din ngaihna a awm tawh lo. Heng hrui hnawkte hi ngenna kan siam tirhte khan tihfel ni se chuan September thla tawpah zawh fel hman beisei ani a; mahse tun thlenga tihfel a la nih loh avangin hun eng chen nge kan la nghah ngai dawn tih hriat thiam a har hie. Heng thil te hi tihfel anih a, harsatna a awm lo a nih chuan November thla chhunga zawh fel hman beisei ani.
Tunah hian Bottom Member lam zawh fel a ni deuh thaw tawh a. A hna kalphungah hian inkhaidiat mumal taka remkhawm ngai a nih avangin a remchang chang remkhawm ngawt theih ani lo. Top Member te vuah khawm ruala a hnuai lam hna thenkhat te zawh fel chhoh zel turn a ni. A chung kul leh a dotu tur Vertical Member te tundin leh hmabak a ni a. Heng hna hmabak te hi zawh anih hnuah Bridge chhuat tur Concrete chhun leh a ni ang a, curing period a zawh veleh motor zawh theih tura hawn a ni ang.
