2315/2023-2024

Khawzawl, 14th October 2023: Nimin khan  KVK Champhai District, Khawzawl chuan Rabung khuaa Tomato chingtute nen Farmers Scientist Interaction an nei. He programme hi KVK leh IIHR - NEH tangkawpa buatsaih ani. He hunah hian Dr. Malsawmkimi, Senior Scientist & Head leh Pu Rambuatsaiha, SMS (Agronomy) te chuan zirtirna an pe a, KVK-a thawktute hian Phunchawng zau, Kangfim zau leh Khumzawl zau-a Tomato  chingtute harsatna tawh Tomato bacterial wilt,virus chungchanga harsatna te leh a rah keh chungchanga harsatna an tawh hrang hrangte a hmuna kalin an enpui bawk ani. Rabung khua-ah hian chhungkua 32 in eizawn nan Tomato hi an ching mek a, nikum 2022 chhung khan 900 qntls an lo thar chhuak tawh ani.

KVK Champhai District, Khawzawl te hian Tomato chin dan chungchangah hian zirtirna an lo pe tawh thin a, kum 2015 atang khan Champhai District huam chhunga Fur laia Tomato chin theih ni ngailo kha Tomato variety Arka Rakshak la lutin Tuipui khua-ah Tomato hi an chin tir a, Khawzawl district huam chhunga khaw hrang hrang Tualte, Rabung, Chawngtlai, Khawhai leh Neihdawnah te Arka Samrat leh Arka Abhed te chingin hun engemaw chen atang khan chhungkaw tam takin eizawn nan an hmang ani.