I & PR buatsaiha Press Tour nei mek, Mizoram Journalists Assn. member-te, an President Pu K.Sapdanga hova kalte leh anmahni hruaitu, IPRO Pi K.Vanlalsangi te chuan May 6 khan Kolkata hmun pawimawh hrang hrang an tlawh kual a, hlawkthlak an ti hle.
Press mite hi Kolkata LO Pu Talo Rosanga'n chhun thingpui inpuiin inkawm hona hun tha tak an nei a, Kolkata Mizoram House a hnathawkten an lo dawnsawn danah Press mite an lawmin House enkawl dan leh inrelbawlna kawngah hnathawktute thawhrimna fakawm an ti hle. Kolkata-a Mizoram House pahnih te hi damlo leh zin veivakten an luah khat deuh reng a. Hei vang hian Mizoram sorkar chuan Rajharhat (New Town) Airport road-ah nikum October 24 khan Mizoram House thar sakna tur ram Sq.m 701.793 zet a zau a lei tawh a, hemi bulah hian TATA Cancer Hospital tur pawh sak mek niin kumin kum tawp lam hian an sa zo thei dawn niin an sawi a. Hei vang hian Mizoram House pawh hi a rang lama sak hna bul tan theih ni se chuan, Mizo mipuite tan a tangkai theih ngei a beisei awm hle niin press mite chuan an ngai a ni.
Press Tour a-kal te hian May 7 zing dar 8:30-ah Mumbai an an thleng a, Salvation Army Guest House Red Shield-ah innghatin, Mizoram House-a thawkten breakfast an buatsaihsak a, House-a awm damlote an tlawh nghal. Damlo kanna thawh khawmin Rs.3,000 chu Damlo Welfare Committee hruaitute hnenah an hlan. Damlo Welfare hruaituten harsatna an tawh mekte an lo sawi thenkhat chu - Hmunin a daih loh vanga an tawt em em te, Credit facility tihtawp vanga harsatna te, Health Care Scheme sum ringa kal, HCS-in a tawpsan vanga mangang an awm thute an sawi. Heng bakah hian Mizo chawhmeh rim na chi rawn keng an awm vanga thenawm hnam dangte laka harsatna an tawh thin thu sawiin, induhsak nan hman loh ni se an duh a, damlo hruai turin mi puitling deuh intirh hram ni thin se an duh bawk.
Mumbai Mizo Welfare Chairman, Pu Lalthuamliana’n zanriah a lo buatsaih a, Pu Thuama ho hian New Mumbai-a Mizoram House sakna tur hmun an tlawh a, he hmun hi Vashi area a awm niin ft 100 bial vela zau a ni. Helai hmun hi Maharashtra sorkarin state hrang hrang House sakna tura a ruahman a ni.
Hemi hnu hian New Mumbai-a Mall thar awm te tlawh an tlawh a, a chhungah lutin an tluah kual thuak thuak a, an parking system chu Mizoram tan entawn tlak hlein an hria a ni. New Mumbai a park lian tak tur, London-a Hyde Park leh New York-a park awmte entawna siam an tumna chu Pu Thuama ho hian an fang bawk. Hemi hnu hian New Mumbai tlang-ah lawnin Mumbai khawpui an thlir bawk a ni.
Press Tour a-kal te hian May 7 zing dar 8:30-ah Mumbai an an thleng a, Salvation Army Guest House Red Shield-ah innghatin, Mizoram House-a thawkten breakfast an buatsaihsak a, House-a awm damlote an tlawh nghal. Damlo kanna thawh khawmin Rs.3,000 chu Damlo Welfare Committee hruaitute hnenah an hlan. Damlo Welfare hruaituten harsatna an tawh mekte an lo sawi thenkhat chu - Hmunin a daih loh vanga an tawt em em te, Credit facility tihtawp vanga harsatna te, Health Care Scheme sum ringa kal, HCS-in a tawpsan vanga mangang an awm thute an sawi. Heng bakah hian Mizo chawhmeh rim na chi rawn keng an awm vanga thenawm hnam dangte laka harsatna an tawh thin thu sawiin, induhsak nan hman loh ni se an duh a, damlo hruai turin mi puitling deuh intirh hram ni thin se an duh bawk.
Mumbai Mizo Welfare Chairman, Pu Lalthuamliana’n zanriah a lo buatsaih a, Pu Thuama ho hian New Mumbai-a Mizoram House sakna tur hmun an tlawh a, he hmun hi Vashi area a awm niin ft 100 bial vela zau a ni. Helai hmun hi Maharashtra sorkarin state hrang hrang House sakna tura a ruahman a ni.
Hemi hnu hian New Mumbai-a Mall thar awm te tlawh an tlawh a, a chhungah lutin an tluah kual thuak thuak a, an parking system chu Mizoram tan entawn tlak hlein an hria a ni. New Mumbai a park lian tak tur, London-a Hyde Park leh New York-a park awmte entawna siam an tumna chu Pu Thuama ho hian an fang bawk. Hemi hnu hian New Mumbai tlang-ah lawnin Mumbai khawpui an thlir bawk a ni.
