Vawiin khan Pu Lalsawta, Education Minister chuan Pu Darchuailova Renthlei lehkhabu buatsaih pahnih - ‘Tlang Thawveng’ leh ‘Lung tileng Par’ tih chu a Office Chamber-a a tlangzarh. Lehkhabu tlangzarhna inkhawm hi Pu Lalthangfala Sailo, President, Mizo Academy of Letters(MAL) chuan a kaihruai a.
Pu Lalsawta chuan Indona silaimu suan ai hian lehkhabu chhutna khawl haurang suan hian thil a ti thei zawk a ti. Khawvel puma ziaktu ropui leh hla phuahthiamte kutchhuak , hla duhawm tak tak 20 zet, Zotawnga lehlin chhuah a lo nita chu lawmawm a tih thu a sawi. Lehkhabu tha Zotawnga tihchhuah belh tur kan neih chhung chuan kan hnam hian tha lamin hma kan sawn zel ang a ti.
