Information & Public Relation Department tirh a Press Tour nei mek chanchinbu mi 5 te leh anmahni hruaitu IPRO Pi K.Vanlalsangi te chu Mizoram MP (Lok Sabha) Pu Vanlalzawma’n ama quarter-ah tukthuan a eipui a, chumi hnuahah Parliament House fanpuiin, chipchiar takin a hrilhfiah a, press mite a chungah an lawm hle.
Press Tour a kalte hi tunah New Delhi-ah an cham mek a. Hemi hma hian Mumbai leh Goa an tlawh tawh a. Goa-ah hian Mirama Tourist Resort, Foodland tia an sawi bawk, Goa sorkar Tourism department enkawl-ah an thleng a. Beach bul mai niin a hmun a nuam hle. Goa-ah hian an hmun pawimawh hrang hrang an fan bakah under 21 National football tournament khelh lai a ni a, Pathianni zing khan Mizoram leh Assam inkhel chu an va en a, Mizoram chuan 3-0 a hnehin Semi Final an lut a. Mizoram atanga player kal te hi an chak lawmpui nan Press Tour team-te-hian thil pek an pe nghe nghe a ni.
Goa an cham chhung hian an Tourism department-in hna an thawh nasat zia leh an ram chuan tourism atanga sum an hailuh hnem zia te chu an sawi ber pakhat a ni. Mizorama tih theih ve reng leh sum hnar tha tak tur hman tangkai lohva a la awm mai mai chu uiawm an tih zia press mite hian an sawi nasa hle. Tin, An football Stadium, kum 1989 daih tawha an sak chu ropui an tiin Mizo thalaite tan rualawh thlak an ti hle a, an stadium, football playground mai bakah a sir-ah 8 track lane la awm thei, mipui sing tel fein an en theihna ang chu Mizo naupang ten nei ve se, tun aiin infiamna lamah hma an sawi ngei an beisei thu an sawi bawk.
May 11 khan New Delhi lutin tlai lamah Delhi khaw chhungah sight seeing an nei a. Qutb Minar, Lotus Temple, Red Fort, India Gate leh Chanakyapuri a Mizoram House thar sakna tur hmun te an tlawh a. Tuna Mizoram House awm mek, Visant Vihar chu a sak phung duhthusama a that loh dan leh khualzinte duh anga a accomodate tawk loh dan te an hmuhin he House thar sak leh tur hi chu uluk leh mawihnai, changtlung taka sak ni thei se an duh hle. Hei bakah hian State hrang hrangin House Administration an kal pui dan te an zawt kual a, official te tan 50%, mipui nawlpui tan 50% an hauh sak thin dan leh, thlen man hrim hrim pawh tlema an tih san deuh dan te an hmuhin, sorkar revenue atan House te pawh hman tangkai dan a awm theihzia te an sawiho bawk. Hetih rual hian Mizorama House-a hnathawk ten press mite an dah pawimawh avangin hnathawktute chungah an lawm hle tih an sawi tel bawk a ni.
May 12 khan Pink City tia sawi, Delhi atanga km 250 zeta hla Rajasthan khawpui Jaipur chu an tlawh a. Jaipur kalkawng a New Delhi khawpui thar Gurgaon chu kaltlangin, a ruala lirthei 17 vel tlan theihna kawngpui te chu an state sorkar ta ni lovin, company ta a nih dan leh, Public Private Partnership (PPP) hmanga hmasawnna hna an kalpui nasat zia te an thlir a. Jaipur thlengin motor kawngpui mam em em mai, a ruala motor 4 insulpel theihna kawngah tlanin, a speed pawh 100 km/h vel deuh rengin an tlan a, chutiang taka kawngpui tha leh mam an neih theihna chhan chu kawng lakah hmun 4/5 velah toll fee (motor kawngpui zawh man) chu lirthei kal apiangin an pe zel a, chumi hmang chuan kawngpui tha tak an nei thei a ni tih an hriatin Mizoramah pawh PPP hman tangkai dan tur te, chhiah hmanga thil tha neih theih dan tur te chu an sawiho nasa hle a ni.
Tourist hip thei tur leh khawpui lar ni thei tura Jaipur an buatsaih dan te an thlir a, Pink City tih chu an pi leh pu hun atanga an larna a nih avangin an kawngpui pawimawh leh hmun pawimawh zawng zawng chu rawng sendang (pink) vekin an chei a, hei bakah hian handicraft lama an hmingthanna hmanga khualzin an hipna te entawn tlak an ti hle a ni.
Press Tour nei mekte hian programme an neih apiangin a remchang hmasa berah an sawiho nghal a, tangkai takin hun an hmang tluan a, hlawk an intih rualin Mizorama tih theih ve thil tam tak an hmuhte avangin an rualawh thu an sawi uar ber a ni. Naktuk (May 14) hian Aizawl rawn pan an tum a ni.
Goa an cham chhung hian an Tourism department-in hna an thawh nasat zia leh an ram chuan tourism atanga sum an hailuh hnem zia te chu an sawi ber pakhat a ni. Mizorama tih theih ve reng leh sum hnar tha tak tur hman tangkai lohva a la awm mai mai chu uiawm an tih zia press mite hian an sawi nasa hle. Tin, An football Stadium, kum 1989 daih tawha an sak chu ropui an tiin Mizo thalaite tan rualawh thlak an ti hle a, an stadium, football playground mai bakah a sir-ah 8 track lane la awm thei, mipui sing tel fein an en theihna ang chu Mizo naupang ten nei ve se, tun aiin infiamna lamah hma an sawi ngei an beisei thu an sawi bawk.
May 11 khan New Delhi lutin tlai lamah Delhi khaw chhungah sight seeing an nei a. Qutb Minar, Lotus Temple, Red Fort, India Gate leh Chanakyapuri a Mizoram House thar sakna tur hmun te an tlawh a. Tuna Mizoram House awm mek, Visant Vihar chu a sak phung duhthusama a that loh dan leh khualzinte duh anga a accomodate tawk loh dan te an hmuhin he House thar sak leh tur hi chu uluk leh mawihnai, changtlung taka sak ni thei se an duh hle. Hei bakah hian State hrang hrangin House Administration an kal pui dan te an zawt kual a, official te tan 50%, mipui nawlpui tan 50% an hauh sak thin dan leh, thlen man hrim hrim pawh tlema an tih san deuh dan te an hmuhin, sorkar revenue atan House te pawh hman tangkai dan a awm theihzia te an sawiho bawk. Hetih rual hian Mizorama House-a hnathawk ten press mite an dah pawimawh avangin hnathawktute chungah an lawm hle tih an sawi tel bawk a ni.
May 12 khan Pink City tia sawi, Delhi atanga km 250 zeta hla Rajasthan khawpui Jaipur chu an tlawh a. Jaipur kalkawng a New Delhi khawpui thar Gurgaon chu kaltlangin, a ruala lirthei 17 vel tlan theihna kawngpui te chu an state sorkar ta ni lovin, company ta a nih dan leh, Public Private Partnership (PPP) hmanga hmasawnna hna an kalpui nasat zia te an thlir a. Jaipur thlengin motor kawngpui mam em em mai, a ruala motor 4 insulpel theihna kawngah tlanin, a speed pawh 100 km/h vel deuh rengin an tlan a, chutiang taka kawngpui tha leh mam an neih theihna chhan chu kawng lakah hmun 4/5 velah toll fee (motor kawngpui zawh man) chu lirthei kal apiangin an pe zel a, chumi hmang chuan kawngpui tha tak an nei thei a ni tih an hriatin Mizoramah pawh PPP hman tangkai dan tur te, chhiah hmanga thil tha neih theih dan tur te chu an sawiho nasa hle a ni.
Tourist hip thei tur leh khawpui lar ni thei tura Jaipur an buatsaih dan te an thlir a, Pink City tih chu an pi leh pu hun atanga an larna a nih avangin an kawngpui pawimawh leh hmun pawimawh zawng zawng chu rawng sendang (pink) vekin an chei a, hei bakah hian handicraft lama an hmingthanna hmanga khualzin an hipna te entawn tlak an ti hle a ni.
Press Tour nei mekte hian programme an neih apiangin a remchang hmasa berah an sawiho nghal a, tangkai takin hun an hmang tluan a, hlawk an intih rualin Mizorama tih theih ve thil tam tak an hmuhte avangin an rualawh thu an sawi uar ber a ni. Naktuk (May 14) hian Aizawl rawn pan an tum a ni.
