I&PR Department leh MJA General Headquarters member te chuan vawiin khan I&PR Auditorium-ah an changtu Minister Pu Zodintluanga hovin tun hnaia tualchhung chanchinbumite state pawn leh chhunga fehchhuak te zin an thlir let.
He hun Director, I&PR Pu Jim K. Chozah kaihhruaiah hian I&PR Minister chuan chanchinbu thuziakte hi thiltithei leh tangkai, 'Thuziak hi Kawlhnam aiin a chak zawk' tia thufingin a sawi a nih avangin tun hnaia Press Tour hrang hrang buatsaih khan Mizoram leh a mi chengte hnenah rah duhawm tak a chhuah mek a ni, a ti. Mizoram chhunga thuthar khawnkhawmtute tana khawhawi zau a tangkai dan te, chu chuan mipui mimirah hlawkna a thlen theih dan te hriain Press Tour buatsaih chu chhunzawm zel a duh thu a sawilang bawk a. Chanchinbute thuziakah a thim lam ringawt puangzar lova a eng lam hawi zawnga thuziakin mipui mimir sukthlek a khalh ngil sak theih zia a sawi bawk. Pu Zodintluanga chuan RTI Act 2010-a tihdanglam thenkhat tarlangin mipui mimir leh a bikin BPL chhungkuate tana chhenfak theih zawkna tura Dan Bung hrang hrang tihdanglam te chu uar zawka tarlang turin tualchhung chanchinbumite a sawm a, sorkar nen thawhhona tha tak an neih mek pawh chhawm nung reng turin a chah a ni.
Tarlan tawh angin tun hnai khan I&PR bultumin hmarchhak state thenkhat - Arunachal Pradesh, Tripura, Assam leh Meghalaya - te tlawhin Press Tour tum hnih hlawhtling taka buatsaih a nih bakah PWD bultumin Bairabi-Kolasib leh Kawnpui-Buichali National Highway-a hna kal mek te tlawh a ni a. Henga kal chanchibumite chuan an zinna hmuna an thil hmuh hrang hrang, Mizoram tana thil entawn tlak nia an ngaih te chipchiar takin report an pe a ni.
Inkhawm kaihruaitu Director, I&PR Pu Jim K. Chozah chuan tun hnaiah CYMA nen media workshop an buatsaih leh Kolasib MJA te tana Kolasib-ah workshop hlawhtling tak an neih thute tarlangin District khawpui dang leh Aizawl-ah ngei pawh hetiang workshop buatsaih thin hian chi leh chi inkara inpumkhatna te, sorkar leh mipui inkara inpawhna zau zawk a thlen theih dan te a tarlang a ni.
MJA Gen. Hqrs. President Pu H. Zosangliana pawhin lawmthu sawiin sorkar leh thuthar thehdarhtute inlaichinna tha tak humhalh reng a pawimawh dan a tarlang a, MJA senior member Pu C. Lazamlova'n Pathian hnenah inhlanna hunserh a chang thung.
Tarlan tawh angin tun hnai khan I&PR bultumin hmarchhak state thenkhat - Arunachal Pradesh, Tripura, Assam leh Meghalaya - te tlawhin Press Tour tum hnih hlawhtling taka buatsaih a nih bakah PWD bultumin Bairabi-Kolasib leh Kawnpui-Buichali National Highway-a hna kal mek te tlawh a ni a. Henga kal chanchibumite chuan an zinna hmuna an thil hmuh hrang hrang, Mizoram tana thil entawn tlak nia an ngaih te chipchiar takin report an pe a ni.
Inkhawm kaihruaitu Director, I&PR Pu Jim K. Chozah chuan tun hnaiah CYMA nen media workshop an buatsaih leh Kolasib MJA te tana Kolasib-ah workshop hlawhtling tak an neih thute tarlangin District khawpui dang leh Aizawl-ah ngei pawh hetiang workshop buatsaih thin hian chi leh chi inkara inpumkhatna te, sorkar leh mipui inkara inpawhna zau zawk a thlen theih dan te a tarlang a ni.
MJA Gen. Hqrs. President Pu H. Zosangliana pawhin lawmthu sawiin sorkar leh thuthar thehdarhtute inlaichinna tha tak humhalh reng a pawimawh dan a tarlang a, MJA senior member Pu C. Lazamlova'n Pathian hnenah inhlanna hunserh a chang thung.
