Ministry of Health hnuaia Directorate of National Vector Borne Diseases Control Programme (NVBDCP) in a kalpui thosi leh sandfly atanga natna kai theih, a bik takin Malaria, Kala-Azar, Lymphatic Filarisis, Japanese Encephalitis, Dengue leh Chikungunya laka inven dan tur leh hetianga nate enkawl dam hna hi chak takin kalpui mek a. Mizoramah pawh NVBDCP te duan dan leh kaihhruaina zulzuiin he programme hi bawhzui a ni a. He programme kal lai mekah hian Malaria hmuhchhuahna hmanrua (Malaria Diagnostic Tool) leh enkawlna damdawi thar man to tak tak hman niin uluk taka hman leh vawn that an nih loh phei chuan a chhia in a hmantlak loh mai thin. Chuvangin Directorate of Health Services, Mizoram chuan District tina Malaria damdawi leh a hmanruate vawn that danah thawktute chu kaihhruaina dan Directorate in a siam zulzuia kalpui thin turin a chah a ni. State leh District a Malaria damdawi leh hmanruate enkawlpui tur hian NVBDCP, New Delhi chuan M/s Strategic Alliance Management Services (SAMS), New Delhi a ruat a ni.