Ni 11.6.2011 (Inrinni) khan Environment & Forests Minister Pu H.Rohluna chuan a bial Vankal khuain ramngaw leh nungchate an humhalh that kawnga an tih that avangin chhungkaw tinte hnenah pressure cooker 5 ltrs. theuh a sem.

Vankal Community Hall-a inkhawm buatsaihah hian Minister chuan thusawiin mipuiten sorkar atanga tanpuina leh hmasawnna kawng hrang hrang, a bik takin motor kawng tha leh electric eng an neih avangin lawmna chang hriat a pawimawh a ni, a ti a. NLUP phei chu dinchhuahpui theih a ni a, hmansual theih a ni bawk a, a hmang diklo tute chungah pawh hremna lek kawh theih a ni a ti bawk. Mizoramah ramngaw kan tih chereu nasat avangin khaw tam takah tui in turah harsatna kan tawk mek a, kan tuikhur te lamin a kang zo tawh a, nungchate leh ramngawte hi mihring te nena inkungkaih tlat Pathianin a duh taka a siam te kan ni a. Chuvangin ramngaw leh nungchate chunga zahngai turin Vankal khaw mipuite chu a chah a ni.