Aizawl SDEO (E) huamchhunga Primary leh Middle School Headmaster leh zirtirtu tha thlanchhuah mi 30 te hnenah vawiin khan Education Minister Pu Lalsawta chuan CYMA Hall, Sikulpuikawn-ah chawimawina ‘Letter of Appreciation’ a hlan a ni. SDEO, Aizawl East Pu Mangchungnunga kaihhruai inkhawmah Minister Pu Lalsawta chuan mihringte thatna leh tangkaina te inhlutsak leh infak sak hi a pawimawh em em a, vawiina zirtirtu thate chawimawina ang hun Aizawl East SDEO hnuaia hman a ni hi entawntlak a tih thu leh hetianga zirtirtu tha chawimawina hi Mizoram pumah kalpui theih a duh thu a sawi. Hnam ropui tak kan din mekah kawng hrang hrangin hma sawn mahila zirnaah kan hnufual chuan kalphung a fuh thei lova, chuvangin zirtirtute hi thawktu leh hmanrua pawimawh ber in ni, a ti. Ram dangte angin industry lianpui pui din thei lo mahila khawvel hnam dangte kan el phakna chu zirnaah a ni tiin Minister chuan zirtirtute chu zirna enkawltu an nih avangin uar tak leh inpekna thinlung nena hnathawk zel turin a fuih bawk. Vawiina Letter of Appreciation to Meritorious Headmasters and Teachers hlanna programme-ah hian Pu Malsawma Pautu, Hindi Promotion Officer, SDEO(E) chuan report pein heng headmaster leh zirtirtu thate thlanna tehfung an hman hrang hrang te a sawifiah a. Letter of Appreciation dawng Headmaster 14 leh Teacher 16-te chu a hnuai ami ang hi an ni :

HEADMASTER / HEADMISTRESS : 1. J.H. Hmingthanchuanga - Bawngkawn P/S - V ; 2. Roliana Chenkual - Durtlang M/S - III ; 3. Lalrema - Sihphir Govt. M/S - I;  4. Purna Prasad - Thuampui Nepali P/S ; 5. Lalbiakliana - Zemabawk Govt. M/S;  6. Lalhuliana - Sesawng M/S;  7. Lalchhanhima Chhangte - Seling Govt. P/S  ; 8. H. Lalrinchhana - Tlungvel Govt. P/S - II  ; 9. J. Lalrinsangi - Republic P/S - II;  10. Liansangi - Bethlehem M/S ; 11. Lallngmuana - Govt. Electric M/S ; 12. Lalchungnungi - Govt. Ramthar P/S - I ; 13. Lalpiangthara - Chaltlang M/S  ; 14. Lalnghinglova - Ramhlun M/S

TEACHERS 1. Irene Hranghnuni - Muthi Govt. M/S ;  2. Thanzuali - Durtlang Govt. P/S - I  ; 3. H. Sangzikpuii - Sihphir P/S - IV ; 4. Lalthakima Sailo - Bungbangla P/S;  5. K. Lalchungnunga - Zuangtui M/S ;  6. R. Lalhmangaiha - Airfield Govt. M/S  ; 7. L.P. Lalawia - Zemabawk P/S - I ;  8. R. Lalthuami - Sesawng P/S - I  ; 9. Lalzarliana - Thingsulthliah P/S - II  ; 10. Lallungmuana - Tlungvel Govt. M/S  ; 11. C.V.L. Malsawma - Venghlui M/S ; 12. B. Vanlalsiama - Armed Veng M/S  ; 13. Sanghnuna - Armed Veng ‘S’ P/S - I  ; 14. Lalrindiki Sailo - Bethlehem Vengthlang P/S - II  ; 15. K. Vanlalrova - Ramhlun ‘N’ P/S  ; 16. T. Lalmuanpuii - Ramhlun ‘S’ P/S te an ni.