Vawiin hian LADC Conference Hall ah District Legal Service Authority leh LADC Education Department buatsaihin Primary zirtirtute tan Legal Awareness (Seminar) buatsaih a ni.

He Seminar Pu C.Lawmsangzuala Circle Education Officer kaihhruai ah hian Lawngtlai Chief Judicial Magistrate Pu Laldinpuia Tlau in Lok Adalat chungchangte, Court kalphungte leh Service Matter chungchangte a zirtir a, Advocate Pu ST Ramhmachhuanmawia’n Right to Education, Corporal Punishment leh Anti-Ragging chungchangte a zirtir ve thung. Hemi hnu hian zirtirtu kalkhawmte chuan an hriat duhte zawhna hun an hmang bawk a ni.

He Seminar hmanpuitu Pu C.Lalneihkhuma, EM LADC CEM charge la mektu chuan Zirtirtute chu khaw khat a parawn an nih deuh vek vangin an hna bakah dan leh hrai hriatna lam ah tan an lak a ngai a, tunhnai ah Zirtirtute hun hman dik lam a tan an la chho leh a taka a hlawhtlinna hmuh chhoh mek a ni chu lawmawm a tih thu a sawi a ni.

He Seminar ah hian Primary zirtirtu mi 120 vel zet an kalkhawm ani.