Kumthar tir January ni 1, 2021, chawhma dar 11:00 hian Ministry of Housing &  Urban Affairs, Government of India chuan GHTC-India hnuaia Light House Project paruk (6) lungphum phumna leh PMAY(Urban) & ASHA-India Awards lawmman semna Programme  Video Conference kaltlangin a buatsaih dawn a. He hun hi  Prime Minister Narendra Modi-a'n a hmanpui dawn bakah, Sawrkar Laipuia Minister of State - Housing and Urban Affairs Hardeep Singh Puri a tel dawn bawk a, State paruk - Tripura, Jharkhand, Uttar Pradesh, Madhya Pradesh, Gujarat , Tamil Nadu Chief Minister te leh sorkar mi pawimawh tak tak te an tel dawn bawk a ni.

PMAY-Housing for All (Urban) hnuaiah hian lawmman dawn theih category hrang hrang paruk (6) a awm  a, chung te chu -

1.    Best Performing States under PMAY (U).

2.    Special Awards for Best practices & Innovation.

3.    Best Performing Municipal Corporation

4.    Best Performing Municipal Council.

5.    Best Performing Nagar Panchayat.

6.    Best House Construction.

Heng Award hrang hrangah te hian lawmman pakhatna atanga pathumna thleng siam zel tur niin, a hrangin ‘North East Region & Hilly States Category’ atangin award dawng tur thlan an ni bawk. 

Lawngtlai Town, Mizoram chuan ‘Best Performing Nagar Panchayat (NER & Hilly States Category)’ ah Lawmman pahnihna (2nd position) an dawng dawn a. Best House Construction (mimal in sa tha) lawmman siam a ni bawk a, India ram pumpui State sawmthum (30) atangin mi 88 (beneficiaries) in he award hi an dawng dawn a. Mizoram atangin Best House Construction Award dawng tur hi mi pathum (3) an awm a chung te chu -

1.    Pi VL Thanpuii & Pu RK Lianzuala te nupa, Kolasib.

2.    Pi Rothanmawii, Kolasib.

3.    Pi Lalhmangaihzuali & Pu P.Lalhmachhuana te nupa, Lunglei te an ni.

He hunah hian Global Housing Technology Challenge-India hnuaia Light House Project paruk (6) leh ASHA-India leh PMAY(Urban) Awards, 2019 a ti tha thlanchhuahte hmalakna video mit ti tlai leh bengvarthlak tak tak thlirho a ni bawk dawn a ni.