No.7032/2020-2021 

SBI Aizawl Branch hi Ni 29.12.1971 a din a ni a. Hetih hun lai Mizoram ah Assam Cooperative Bank chu Mizoram a Bank awmchhun a ni a. He Bank hi ram buailai 1966 vel khan khar a ni a. SBI Aizawl Branch hi tun dinhmun a Mizoram a Bank awm zawng zawng zing ah chuan a upa ber a ni. Tin, Aizawl Branch hi Aizawl Centre-ah chuan RBI Currency chest awmchhun a ni mek a ni.

Aizawl Branch ah hian Banking Transaction hrang hrang khawih a ni a. Govt Ttransaction khawih in Aizawl South Treasury nen a inzawm a. FOREX Business an khawih bawk a, Foreign a pawisa thawn tur mimal leh sumdawnna ang atan te pawh an thawn sak thei vek a. Tin, Foreign Currency hi 5 an kawl a, chung te chu US Dollar, British Pound, EURO, Australian Dollar leh Canadian Dollar te an ni a. Foreigner leh Foreign a awm te tan a tangkai hle a, Currency Exchange an ti thei reng a ni.

Loan chi hrang hrang Sorkar hnathawk te tan a pek theih, Personal Loan, Car Loan leh Housing Loan te an pe reng a. Pensioner te tan SBI Pensioners' Loan an pe reng bawk a. Tin, Business loan hi tamtak an pechhuak reng bawk a. Aizawl a sumdawng lian tamtak hi Aizawl Branch atang a loan la a bul tan an ni.Aizawl Branch hi DCB, AGM enkawlna hnuai a awm anih vangin loan sanction thu ah a awlsam bik a. Hmundang ah loan sanction tur a thawn ngailo in Branch a sanction zel anih avang hian loan lak tum te tan a awlsam bik in ni 2/1 chhung in loan te hi hmuh zung zung theih ani. Loan Section hi set up phuisui leh felfai tak an neih avang in thil tih a awlsam hle.

Aizawl Branch ah hian Pensioners tam tak in Account an nei a, loan te la in an hmang tangkai hle a. Tin, Account nei zawng zawng, Sorkar hnathawk kher lo tan pawh premium tlem te a Life Insurance tih theih reng ani bawk.

49^th Anniversary celebration programme-ah hian Customer 4 sawm an ni a. A hnuaiah hian an chanchin tawi kan dah e : SBI Aizawl Branch in kan customer neih mek mi 37,339 te zing atangin kan esteemed customer 4 leh Head of Department mi 2, Sports Department leh Land & Revenue Settlement a mi te sawm an ni a. Covid-19 avangin customer te pawh kan sawm tam thei lo a ni.

(1) Pu Zasanga (81 years) hi Tuikhuahtlang a cheng a ni a. Indian Postal Service ah 1970 khan a lut a. 2001 kum khan Postmaster General in a pension a. Postal Department a a thawh chhung hian India ram hmun hrang hrangah a insawn kual thin a ni. Central Service-a a luh hma hian Serchhip High School ah 1962 khan Headmaster hmasaber ni in a thawk a. M.A a zawh hnu ah Synod College, Shillong ah kum 1966-1967 chhung khan Lecturer hna a thawk leh a, Kum 1967-1970 ah  khan Pachunga University College ah Lecturer hna a thawk thin bawk. 1996-1998 chhung hian deputation in Mizoram Assembly Secretariat ah Secretary hna a thawk tawh bawk. A pension hnu hian 2002-ah Indian National Congress ah a lut a, AICC member a ruat a ni nghe nghe.

(2) Pu Zothantluanga hi Pu R.Zatawna Chanmari veng , Aizawl a cheng a ni a,  kum 2010 khan M/s Zothan Autoworks hi din in, TATA Motors Commercial Vehicle Dealer an ni a.  Zothan Autoworks hi State Bank of India Aizawl branch atangin loan tlem te la in bul an tan a. Tunah erawh chuan sumdawnna kal tluang tak leh hlawk tak a ni chho zel a ni. Mizoram chhung a Bungraw phur lirthei lama sumdawnna ah chuan a hlawhtling ber pawl ani mek a ni. Kan customer lian ber te zing a mi ni in an sumdawnna pawh kum tin in a thang zel a. State Bank of India Aizawl Branch nen tang kawp in mi tam tak hnen a lirthei hralh chhuak thei tur in vawin ni thleng in hma an la zel a ni. 

Pu Zothantluanga hi Aizawl Bypass Filling station (Petrol pump), Kulikawn proprietor ni in SBI Aizawl branch ah EDFS acccount a nei a. Sumdawnna lampang ah franchise lian tak tak Westside leh Trend Chanmari veng ah  a nei a ni. Heng an sumdawnna ki hrang hrang bakah hian an chhungkaw member te SBI Aizawl branch customer hlun tak an ni vek bawk a ni.

(3) Kawllianzama Tlau – TVS Tlau Agencies : Kum 1999ah SBI atangin PMRY loan Rs. 95,000.00 la in bul a tan a, khatih hunlai a mi te mamawh EK Paih hna a thawk a ni. Amah hi Vanglaini Chanchinbu a Ek paih Advertisement chhuah hmasaber ani. Ek paih hna hi 1999 to 2001 kumtawp thleng a thawk a. Kum khat chhungin Truck a nei a, tui harsatna a hmuh avangin a eizawnna her danglam in 2002 January ah Ek paihna truck hralhin loan hmangin 407 Truck tuichawina a la a. Tuichawi sen loh a hmuh vangin Truck dang 2 a lak belh leh a. Vawiin ni thlengin motor pakhat chu tuichawi in a la service tir reng a ni.

Kum 2005 ah Line Bus permit neiin Ramthar veng atan permit a nei a, 2008 ah 2 Wheeler zawrh a tan tak vangin bus service lam chu a titawp a. TVS Motor Company hian applicant 3 zingah dealer atan an thlang a, 2008 atangin 2wheeler dealer hna a tan a. 2009 ah SBI Aizawl branch atangin CC Loan a la a, hlawhtling takin a sumdawnna a tan chho ta ani. Hei mai bakah hian a ma tuina Motor Workshop a siambelh leh ta a. Hetah hian Body construction hna te an thawk bawk a. Malsawm tlak a hna an thawh avangin thawh sen loh hna an hmu ani. Motor lian company hrang hrang in dealership an offer nual bawk a. Mahse tunah chuan TVS dealership leh Motor workshop hi a sumdawnna a ni. A bul tanna a ropui lo hle a mahse tihtakzet a thawk anih avangin tunah chuan sumdawng hlawhtling ber te zing a mi a lo ni ta. 

(4) Lalremruata (25 years) Zarkawt Veng a cheng hi naupang te niin Youtuber hlawhtling tak a ni a. A phone atanga game khel tan in tunah hian Gaming Channel a nei a, pawisa engmah neilo in bul a tan a, tunah chuan dollar sang tam tak a hlawhchhuak der tawh a ni. Tunlai a game lar tak “Among us” khel in bul a tan a, tunah chuan game chi hrang hrang a khel tawh a, kum 23 anih in a khel tan a, a game khelh a record a, a edit leh hnu in a channel-ah a upload ta a. A channel hming hi “Kureno Dash” a ni a, tunah hian subscriber pawh 234K a nei mek a, a video ten viewer an ngah thei hle. A video pakhat phei chuan 23M viewers a nei a ni. 

Tunah hian Foreign atangin mimal leh Company rawn dawr tu a ngah tawh hle a. Partner atan te, an company product fak nan te, a channel sponsor atan te leh thil dang dang atan dawrtu a ngah tawh hle. A channel subscriber leh view tu te hi US lam an ni deuh ber a. Amah hi tlangval fel tak, ruihtheih thil pawh ti lo ani a, a channel atang hian sum taktak a hailut mek tawh a, thalai dang te tan a entawntlak hle. Amah hi Class – 12 passed a ni.