3029/2024-2025

Siaha the 15th November 2024: Vawiin chawhma Dar 11 khan Siaha District, Noaotla khuaa Eklavya Model Residential School (EMRS) chu India Prime Minister Pu Narendra Modi chuan ramchhunga EMRS sak zawh tawhte nen a rualin a hawng.

Video Conference hmanga hawnna hi Jamui, Bihar atanga neih niin DC Mini Conference Hall, Siaha atangin Addl DC Pu Abraham Beirazi Khithie kaihhruaina hnuaiah Siaha district chhunga department hrang hrang aiawhten an chhim a ni.

Eklavya Model Residential School (EMRS) hi Kum 1997-1998 khan Ministry of Tribal Affairs in India rama Tribal naupangte zirna lama hmasawnna an neih theih nana a din a ni a. National Education Society for Tribal Students (NESTS) ten kum 2019 atang khan India ram hmun hrang hranga EMRS te an enkawl mek a ni.

EMRS Noaotlah hi kum 2019-2020 khan sanction niin, kumin 2024 khan hawn tan a ni a, Class VI & VII Double section-a hawn niin, bul tan phawt a ni. EMRS, Noaotlah-ah hian Zirtirtu hi an vaiin paruk (6) an awm mek a, Non-teaching Staff hi 8 an awm mek bawk. Tun dinhmunah EMRS Noaotlah-ah hian Zirlai mi 118, Mipa 59 leh hmeichhia 59 an awm mek a ni.