3030/2024-2025

Champhai, 15th November 2024: India ram zalenna sualtu Tribal hnam te hriatrengna ni Janjatiya Gaurav Diwas pualin vawiin khan Tribal te hamṭhatna tur scheme Dharti Aaba Janjatiya Gram Utkarsh Abhiyan (DAJGUA) hawnna chu vawiin khan NIC Video Conference Hall, Champhaiah neih a ni.

Scheme hawnna inkhawm hi Pu Lalchhuanawma, Superintendent, DC Office Champhai chuan a kaihruai a. Dr. Vanlalnunpuii Ralte, SDC; BDO Champhai ni bawk chuan scheme hi a hawng a. Sawrkar laipuiin tribal-te hamṭhatna tur scheme ṭha tak a duang chu lawmawm a tih thu a sawiin, mipui ten ṭangkai taka an hman a, hlawk thlak tak an chhawr theih nan sawrkar department he mi kawnga mawhphurhna neitu zawng zawng te chu theihtawp chhuah ṭheuh turin a sawm a ni.

Champhai Social Welfare & Tribal Affairs (SW&TA) Office-a Field Facilitator Pi Lalmuanpuii Chhangte chuan DAJGUA chungchang sawizauna hun a hmang a. DAJGUA scheme hi Kum 5 chhung (2024-25 to 2028-29) kalpui tura ruahman niin India rama khaw 63,843 chhunga tribal mi vaibelchhe 5 huam tura ruahman a ni a, October Ni 2,2024 khan India hnampa Mahatma Gandhi piancham denchhanin Prime Minister Pu Narendra Modi chuan Jharkhand-ah hawnna a lo nei tawh a ni. DAJGUA scheme hmang hian tribal te mamawh hmasawnna ruhrel din bakah hriselna, infiamna leh eizawnna lama an hnufualna te chawikan tur a ni dawn a. He scheme hi kum 5 chhung (2024-25 - 2028-29) chhung kalpui tur niin, line department 17 an awm a ni.