712/2022-2023
Kolasib dated 31st May 2022: Vawiin dar 11 atang khan Prime Minister Narendra Modi chuan India ram District hrang hrang 773 a Sawrkar laipui Scheme hrang hrang dawngtu (Beneficiaries) te kawmna hun, Shimla atangin a hmang a, Kolasib atang pawhin I&PR Conference Hall, Project veng atangin Kolasib DC Pu John LT Sanga hovin chhim a ni.

PM hova inkawmna neih hma chawhma dar 9:45 atangin Kolasib DC Pu John LT Sanga hovin Program khuhhawnna hun hman a ni a. Pu Lallawmawma Addl. DC Kolasib chuan he hun hi kaihhruaiin Pu John LT Sanga, Deputy Commissioner chuan ham?hatna dawngtu kalkhawmte lawmna thu a sawi a, Programme an hman chu India in zalenna a neih kum 75-na lawmna Azadi Ka Amrit Mahotsav kal zel a nih thu a sawiin AKAM puala Kolasib District hmalakna hrang hrang te a tarlang bawk a ni.

He hunah hian UD&PA, Health & Family Welfare, DRDA, PHED, Women & Child Development bakah Bank ten mipuite tana Scheme an kalpui an sawi lang a. UD&PA hian PMAY-HFA (U) an kalpui dan leh Swachh Bharat Mission (U) an kalpui dan te an tarlang a, Kolasib chu Open Defecation Free a puan a nih tawh thu te, Integrated House Hold Lattrine an kalpui dan te an sawi lang a ni.

PHED in Jal Jeevan Mission hnuai ah Kolasib District chhung thingtlang khaw hrang hrangah Tui Connection 5236 pe tawhin pek tura hmalak mek 1513 a awm thu an tarlang a, Integrated House Hold Lattrine hnuaiah chhungkaw 2651 te inthiarna siamsak a nih tawh thute, Thingtlang khaw 34 ah Community Sanitary Complex siam a nih thute, Solid & Liquid Waste management hnuaiah khaw 34 ah bawlhhlawh paihna siam a nih tawh thute, khaw 18 ah Compost pit siam mek a nih thute, Thingdawlah Plastic sawngbawlna siam a nih thu leh Kolasib District chhung thingtlang khaw 17 chu ODF+ a puan an nih tawh thu leh Model Village pakhat a awm thu an sawi.

Health & Family Welfare in ABPMJAY (Golden Card) kalpui a nih dan sawiin, chhungkaw khatah cheng nuai nga thleng dawn theih a nih thu te, Kolasib District chhunga Health Sub Centre 26 zinga 21 chu Health & Wellness Centre a puan a nih tawh thu te sawiin, Community Health Centre leh Primary Health Centre thuthmun te chu Health & Wellness Centre a puan theih a nih ve loh thu te an sawi a ni.

Rural Development in PMAY (G) hnuaiah Kolasib District chhungah In sak tanpuina dawng mi 447 an awm tawh thu an tarlang a, Thingdawl RD Block ah mi 154 niin Bilkhawthlir RD Block ah mi 293 an awm thu an sawi.

Women & Child Development lamin Poshan Abhiyan hnuaiah Nuapang 13940 te chu Anganwadi kaltlanga enkawl a nih thute, Naupang 26 chu Severe Acute Malnutrition (SAM) an ni tih hriat chhuah a nih thu leh heng zinga 13 chu enkawl dam an nih tawh thu an tarlang.

Hei bakah hian Nu naupai te hamthatna PMMVY hnuaiah Nu naupai inziak lut 2426 awm tawhin 2400 hnenah tanpuina pek a nih tawh thu te, an sum sem chhuah hi Rs 1,07,98,000 a nih thu an sawi bawk a. Bank te hian PMMY leh Street Vendor Loan an pek dan te an sawi lang bawk.

Vawiin a hun hmanna ah hian Central Scheme khawih department hrang hrang atanga aiawhte, Scheme hrang hranga Beneficiaries te bakah NGO aiawh te an tel a ni.