3018/2022-2023

Mamit 12th December, 2022 : Vawiin khan DC Conference Hall Mamit-ah Labour, Employment, Skill Development and Entrepreneurship Department, Govt. of Mizoram leh Deputy Commissioner, Mamit District buatsaihin thiam thil mila eizawnna tur inzirtirna Sensitization/ Awareness Programme for Prime Minister-National Apprenticeship Mela (PMNAM) chu Mamit Pu Lalfakzuala, Addl.DC, Mamit kaihhruainain neih a ni.

Pu Lalfakzuala chuan Mamit District chhunga Skill Development chungchanga hmalak tawhna report tawi pein, Prime Minister-National Apprenticeship Mela chungchang sawi zauna a nei a. He Scheme hi Mizoram atan chuan Scheme thar a ni a, Mamit-ah chuan a vawikhatna niin Mela aiah awareness programme hman anih zawk thu a sawi. He scheme hian thiamthil mila eizawnna tur inzirtirna, school a inzirtirna anglo takin he programme-in a tum ber chu kut themthiamna kawnga hmasawn leh eizawn tum te, eizawngtlaka an thiamna chher hriamsak a ni a ti. Kalkhawmte chu mipuite hnena zirtirna pe thei tura inbuatsaih turin a chah nghal bawk.

Pi Linda Lalrinpari Sailo, Employment, Skill Development and Entrepreneurship Department, Aizawl chuan power point presentation pein, Ministry of Skill Development and Entrepreneurship-in thlatin thawhtanni vawihnihna-ah hian PMNAM a buatsaih dawn a, hei hi 18th August 2016 a scheme siam National Apprenticeship Promotion Scheme promote nan a nih thu a sawi. He scheme hian Apprentice te'n stipend 25% an dawn theih chu direct-in employer/chhawrtu te'n an reimburse thei a, skill training nei lawksa lote tan basic training neihna man a tum pui thu a tarlang bawk. He scheme-in a tum thiamthil mila eizawn dan tur inzirtirna te, an zir theih dan te, zir zawh hnua hnathawka rawih dan te, thlabi hlawh te, scheme atanga hamthatna an dawn theih dan bakah registration dan leh training kalphungah te zirtirna a pe a ni.

He hunah hian Mamit District chhunga skill development lama thawktute leh entrepreneur thahnem tak telin, zawhna leh chhanna hun hman zui nghal a ni bawk.