No.2869/2021-2022
Aizawl the 3rd November, 2021 : Vawiin chawhnu khan Prime Minister Pu Narendra Modi chuan COVID-19 vaccine chungchangah State leh Union Territory hotute kawmin, vaccine pechhuak tlem zual state-te chu tan la turin a fuih a. Mizoram Chief Minister Pu Zoramthanga pawhin he virtual meeting hi chhim in, Health and Family Welfare Minister Dr. R. Lalthangliana chuan a tawiawm a ni.

He meeting-ah hian Covid-19 vaccine pechhuak tlem zual district pariata district magistrate te atangin an harsatna tawhte ngaihthlak a ni a. Theihtawp chhuah a, kumin kum tawpah chuan vaccine dose hnih a tam zawkin an lak theih nan tan la turin a chah a. Sawrkar laipuiin 'Har Ghar Dastak' tih thupui hmangin chhung tin ten vaccine dose hnih venhimna an chan theih nan in tin tlawh chhuaka hmalak a tum thu a sawi.

Vaccine pekchhuah kawngah Mizoram chu a thawk tha thawkhat hle a. 1st dose hi 82% pekchhuah tawh a ni a. 2nd dose chu 60% pek chhuah tawh niin state dangte nen khaikhin chu second dose pechhuak tam ber 8-na a ni.

Vawiin meeting-ah hian Chief Secretary Dr. Renu Sharma, Health Secretary Pu R. Lalramnghaka, Mission Director, NHM Mizoram Dr. Eric Zomawia te pawh an tel a ni.