4161/2023-2024

Aizawl, the 14th March 2024 : March ni 11, 2024 tlai dar 4:00 khan Pu K.T. Beicho, IRAS, Principal Secretary, Social Welfare, Tribal Affairs, Women & Child Development chu khuallian niin, Department of Social Welfare, Tribal Affairs, Women & Child Development hnuaia Futsal Ground, Tribal Art Centre, Tanhril a sak chu a hawng.

Pu K.T. Beicho, Principal Secretary, Social Welfare, Tribal Affairs, Women & Child Development chuan department a thawkte zara Futsal Ground tha tak leh zau tak a awm thei chu lawmawm a tih thu sawiin, Sawrkar hnathawkte chu ram leh hnam tana thawk, Sawrkar chhiahhlawh an nihzia inhre thar turin a chah a. Inkhelh hian thluak sawi zawi , hriselna leh hlimnaahte min tanpui nasa tih sawiin, Sawrkar hnathawkte pawhin ngaihtuahna dik leh rorelna dik nei tura thuthlukna an siam theih nan taksa insawi zawi hi ngai pawimawh turin a chah a ni. Tanhril Local Council-te pawhin an vengchhung mi te’n he Futsal Ground hi tangkai taka an lo hman theih nan vengchhung mipuite hnenah awareness pe turin a ngen bawk.

Futsal Ground hawnna hun hi Pi Dr. Lalhriatzuali Ralte, IAS, Director, Social Welfare & Tribal Affairs-in a kaihruai a, tlawmngaia thisen petute hnenah certificate a hlan bawk a ni. Pi Ruth Vanlalsawmi, Joint Director, Social Welfare & Tribal Affairs chuan Pathian hnena hlanna tawngtaina hun a hmang a, Futsal Ground Technical Report chu Pu Lalthankima, Assistant Engineer in a pe a ni. Pi Lalrinhlui Sailo, OSD in lawmthu sawina hun a hman zawhah chuan Directorate of Social Welfare & Tribal Affairs leh Social Welfare, Tribal Affairs, Women & Child Development Department (Sectt) te’n inaugural match an nei nghal a ni. He hawnna hun hi Department Officers, staff-te leh Tanhril Local Council Officer Bearers te’n an chhim a, zanriah kilhonain khar a ni.