4162/2023-2024

Hnahthial the 14th March 2024: Administrative Training Institute, Mizoram bultumin vawiin khan DC Conference hall-ah Hnahthial District a Group B leh Group C sawrkar hnathawk mek te tan Sevottam chungchang inhrilhhriatna buatsaih a ni a, Pi Lalremruati, Deputy Director (Training) ATI chuan he hun hi kaihruaiin Pi Daphney Zosangpui, Assistant Director (Training) ATI, Mizoram Sevottam nodal officer ni bawk chuan training hi a pe a ni.

Pi Daphney Zosangpuii, AD( training) chuan Sevottam chungchang sawifiahna neiin ‘sawrkar hna thawkte mipui rawngbawltu kan nih anga kan mawhphurhna inzirtirna a ni’ a ti a, Hindi thumal pahnih; Seva leh Uttam atang lakchhuah a ni tiin “excellence in service”- a tha thei ang bera mipui dawr theiha awm a ni, a ti. Sawrkar laipui hnuaia DARPG in an duan a ni tiin khawvel hmun hrang hranga an tih dan tha ber (best practices) entawna duan a nih thu a tarlang bawk. Mipui rawngbawltu an nihna ah an chian hle a ngai tiin tha thei ang bera sawrkar hna thawk ten an mahni dawrtu mipui te dawnsawn chu sevottam duan chhan a nih thu a tarlang bawk. Mipui an awm avanga hna awm a ni a ti a, mipuite tana thawktu an awm a tul vang chauha thawktu lak a nih thin thu hre reng tura chahin rawng an bawlsaka te enkawl tura sawrkar in a chhawr an nih in hre thar leh turin a chah bawk.

Sawrkar in a hnathawkte a ngaihsak hle rualin a thawktute pawhin theihtawp an chhuah ve a ngai a ti a, an hun zawng zawng chu sawrkar ta a ni tiin kalkhawmte chu dawrtu mipui dawn sawn kawngah tan la thar leh turin leh theihtawp chhuah thin turin a chah a ni. Mipui leh sawrkar inkara lungawilohna thlen tam ber thin chu miscommunication a ni a ti a, zaidamna leh hriatthiamna nen thawh chhan hrereng a an thiamna leh theihna thuam chak thar leh turin a chah bawk ani.

Vawiin training-ah hian Hnahthial district a department hrang hrang atangin Group B leh Group C hna thawk mek te an kalkhawm a, department tin atangin mi 3 zel an tel thei a ni.