Mizoram sawrkar leh Mizoram State Health Care Society ngenna anga Mizorama private hospital thenkhat sawrkar pawmpui rate zawm theilo te chu Mizoram State Healh Care Society Governing Body meeting October 31, 2019 in a rel angin sawrkar chuan hriattirna tichhuakin empanelled list atangin suspend rih an ni. Heng a hnuaia Hospital-ah te hian sawrkar hnathawk te leh Mizoram Health Care Scheme, 2019 hnuaia inziak lutte tan medical reimbursement a tih theih tawh loh ang:-
1.Presbyterian Hospital, Durtlang
2.Seventhday Adventist Hospital, 7th Day Tlang
3.Greenwood Hospital, Bawngkawn
4.Ebenezer Hospital
5.Nazareth Medi - Tech Diagnostic & Care Centre, Ramhlun North
6. Vaivenga Hospital and Research Foundation, Dawrpui
7. Maraland Gospel Centenary Hospital (Nursing Home), Saiha
8. DM Hospital, Vengthlang, Champhai
9. City Hospital, Mission Veng
10. Redeem Hospital, College Veng
11. John Williams Hospital, Chanmari - III, Lunglei
12. Mercy Hospital, Bazar Veng, Serchhip
13. Grace Nursing Home
14. Aizawl Hospital and Research Centre, Khatla
15. LRM Hospital, Ramhlun
Sawrkar thuchhuak No.A.17014/2/2018-HFW/493, December ni 4 a tihchhuah in JC Eye Hospital, Bungkawn Tlang Veng, Aizawl leh Bethesda Rural Hospital, Bawngkawn te suspend list-ah telh tawh mahse sawrkar approve rate hman an remtih avangin Mizoram Sawrkar Health Department chuan notification thar tichhuakin empanelled list-ah a khung leh a ni.
