2953/2024-2025

Aizawl 13th November, 2024 : Prof. Lalnilawma, Minister chuan Bio-fuel chungchanga Pollution Control Board, Assam (PCBA) leh PHD Chamber of Commerce and Industry-in Assam Administrative Staff College, Guwahati-a Seminar an buatsaih chu sawm a nih angin a telpui.

Minister chuan Biofuel hman hi ram hmasawn nan a tangkai rualin, kan tih nasat leh lutuk chuan mihring leh environment-ah harsatna a thlen tel ve theih thu te leh, a chin tawk leh kan mamawh dan tawk thlir chung a, keimahni mihring te, thing leh mau, nungchate leh kan environment te a tha lo zawnga nghawng thei tur khawpa hman erawh a that a rin loh thu a sawi.

He hunah hian "Bio-fuel for Driving the Future Economy: Challenges and Opportunities" tih thupui hmanga Seminar hi neih niin Dr. Andrew Fleming, British Deputy High Commissioner to East and North East India pawh telin, Minister Prof. Lalnilawma nen hian inkawmna hun tha tak an nei bawk a ni.