662/2025-2026

17th May, 2025 : Prof Lalnilawma, Minister of State, Rural Development & Administration Department chuan nimin ni 16 May 2025 (Zirtawpni) tlai khan Vibrant Village Programme-II (VVP-II) chungchangah Dr Rajendra Kumar, Secretary to the Government of India, Border Management, Ministry of Home Affairs chu hmu in, Border Area Development Program (BADP) thlaktu tur Village Vibrant Programme-II chu Mizoram leh North East State ten a rang lama kan hman tangkai theih nan Guidelines chhuah vat a tul thu a hrilh a. Mizoram chhung a khaw tam tak, tuna VVP II a la tel lo khua, tel thei si te chu a tah tawl a telh zel ni se tiin Secretary, Border Management hnenah hian a thlen bawk.

Secretary, Border Management hian VVP II chu peih a nih veleh a sanction order pawh Ministry lam an in peih thu sawiin, State Sawrkar in sum an dawn te hmang zo vat thin turin a lo chah a. VVP II hnuaia thingtlang khua la telh ve loh te pawh budget te hman phawt anih hnu ah ennawn theih a ni ang tiin Minister hi a lo hrilh bawk.

Minister Prof.Lalnilawma hi Pu.V.Lalengmawia Additional Secretary, Government of Mizoram leh Pu.K.Lalnuntluanga Private Secretary to Minister ten an ṭawiawm a ni.