3656/2024-2025

Aizawl, the 23^rd December 2024: Vawiin khan Prof. S.P. Singh Baghel, Union Minister of State for the Ministry of Fisheries, Animal Husbandry and Dairying and Panchayat Raj chuan 2 AR Gajraj Hall, Lakhimpur Battalion, Aizawlah 14^th Tranche Rozgar Mela a rawn hmanpui a. He hunah hian Security Forces/Postal departments hnuaia hna hmu thar te hnenah Appointment Letter a hlan a ni.

14^th Tranche Rozgar Mela rawn hmanpuitu Union MoS Prof. S.P. Singh Baghel chuan hna hmuthar te hnenah lawmpuina thu a sawi a. Vawiina Rozgar Mela hlawhtlinna chhan pawimawh tak chu Prime Minister Pu Modi-a hmahlir tha tak leh ram venhimna leh inpumkhatna a ngaih pawimawh vang a ni a ti.

Hna zawm thar tur te chu ram tana theih tawpa inpe tur te, Pisa kai hunchhung piah lamah pawh hna tul a awm chuan inpeih reng tur te leh rinawm taka an hna theuh thawk turin a chah a. Ram hmasawnna atana pawimawh hmasa ber leh a bul chu a hnathawktute inpekna leh a mimal tin te thawhrimna a ni tih hrethar leh turin kalkhawm te a chah bawk  a ni.

Aizawla Rozgar Mela Program hi Assam Rifles in movie an an siam chhuah enhovin bul tan a ni a. Prime Minister Thuchah in a chhunzawm a. Hemi hnu hian Brig Girish Upadhya, DIG, 23 sector AR in thu a sawi a. Khuallian in thu sawi chhunzawmin mi 25 hnenah Appointment Letter a sem chhunzawm a. Huntawp lamah Chanchinthar latute nen inkawmna hun buatsaih a ni bawk.