Ni hnih chhung awh tur National Health Mission, State Quality Assurance buatsaih Training for Internal Assessors chu vawiin May ni 14 khan Directorate Health Services Conference Hall-ah neih a ni a, Dr. K.Ropari, Principal Director, Health and Family Welfare Deptt. chuan Khuallian niin a hman pui.
He Orientation Training hi Dr. Lalthantluanga, State Programme Manager (NHM) in a kaihruai a. Dr. K.Ropari, Principal Director, H&FW chuan kalkhawmte lawmna leh Training hawnna thu sawiin, Quality Assurance chu Programme thar a nih thu te, kum 2014 atang chauhva kalpui tan a nih avanga Staff lak chungchangah zawh fel loh thil tam tak a la awm thu te a tarlang a. Kum 2014 khan External Assessor pahnih ten New Delhi-ah Training an zuk neih tawh thu te, State Quality Assurance Committee leh Quality Assurance Unit pawh duan fel a nih thu te, Hemi atan hian Pilot Project atan Aizawl leh Lunglei te thlan an nih thu a sawi bakah He training zawh atang hian hmalakna hmasa atan Aizawl Civil Hospital, Lunglei Civil Hospital leh Kulikawn Damdawiin te enfiah a nih tur thu a sawi a. Pi Pari chuan kumin Sawrkar kum chhung ngei hian District zawng zawngte tuam chhuah an nih tur thu a sawi bawk.
He huna zirtirna pe tur hian National Health System Resource Centre (NHSRC) New Delhi leh Regional Resource Center (RRC) Guwahati atangin mi pahnih ve ve an lo kal a. He Training-ah hian Civil Hospital leh Kulikawn Hospital a thawklai te, CHA Medical Superintendent, Senior Doctor, Specialist , Nursing Superintendent leh CMO Azl West leh SMO Azl West te bakah Senior Office Staff te an tel kim hle a ni.
Tun tuma Assessors Training tel te hian anmahni Hospital leh Section hrang hrangte an endik (assess) vek anga. He Assessment atan hian Check-list awmsa hman tur a ni. Tha tawka an inhriat hunah External Assessors te kovin , Heng External Assessors te hian tha tawka an ngaih hnu-ah National Assessors (NA) koh luh an ni leh ang a. Anni hian Hospital te that dan zir zelin grading fel tak an siam ang a, A ti tha te hnenah Incentive leh Certificate an pe thin dawn a ni.
Tun dinhmunah hianAizawl West leh Lunglei District-ah tan chin phawt a ni a. Kumin chhung hian State pumah hmalak tum a ni. He programme hnuaiah hian sorkar Hospital zawng zawngte an lo that zawk nan endik vek thin an ni tawh dawn a ni.
