Kumin april thla chawhma lama pa eisual avanga boral ta Pu Saikhuma Mamit Bazar Veng te chhungkua hriatreng nan leh anmahni puala buatsaih Music Video " KAn PHAL THEI LO" tih chu vawiin chawhnu dar 2 khan I&PR Conference Hall-ah Pu H. Lianzela, Addl DC chuan a tlangzarh.
He Music video hi Pu Saikhuma te chhungkua lainattu thianho intelkhawm(Project Miriami) bultumin Mamit Officer Club leh mamit khawpui chhunga mimal dawr leh mithahnemngai te thawhlawm tlingkhawm atanga buatsaih a ni a, Pu Lalrinchhana Hrahsel, Mamit Bazar veng phuah a ni. Mizorama zaithiam lar Lalfamkima, Zoremi Ralte leh Mamit nula zaithiam Lalduhawmi Pachuau ten he hla hi an sa a ni.
Tlangzarh inkhawm hi Pu KTC Lalrinchhanana’n a kaihruai a, he hunah hian Pu Saikhuma te chhungkua atanga thusawi ngaihthlak niin Pu Saikhuma te chhungkua atanga dam awm chhun an fanu naupang ber Miriami piancham kum 3 lawmna hun hman ngal niin birthday cake zaina neih nghal a ni.
