639/2022-2023

 Aizawl, the 26th May 2022: Governor Hari Babu Kambhampati chuan vawiin khan Raj Bhavan-ah ramri hrula Project Pushpak in  kawng siam hna thawh meka enkawltu chhuanawm tak tak Border Roads Organisation(BRO) hnathawk mi pali te a chawimawi.


NK/NASST Rajesh Kumar Singh Parihar, HQ 24 BRTF(P) Pushpak,  GS-194988K JE (CIV) Rajendra Nath Bindhani, 158 FCPL/71 RCC(GREF), GS-194572M JE(CIV) Nitin Kumar, 401 RMPL/71 RCC (GREF) leh GS-177583H MSW PNR Arvind Kumar Tiwari, 1604 PNR COY(GREF) te hi project site hrang hrangah hnathawktu enkawltute niin an hna tha taka thawkin entawn tlak takin an tihtur te an puitlin a. An hnathawh that avang hian Governor Hari Babu Kambhampati hnen atangin chawimawina thuziak leh Memento an dawng a ni.

Governor Hari Babu Kambhampati chuan BRO hnathawk tha te chu a lawmpui thu a sawi a. Tuna Project Pushpak in an hnathawh mek - kawngpui siam hna chu Mizoram tana rotling, India ram tana hmasawnna ruhrel pawimawh leh ramri venhimna atana thil pawimawh a ni a. Chuvangin uluk takin Project Pushpak chuan an thawh chhunzawm zel pawh a ngai a ni a ti. Ramri hrula kawng siam hna hi bungrua leh chakkhai phurh thlen a harsat avangin  hna thawk tha  turin inpekna thuk tak nena thawh a ngai a. Vawiina chawimawina dawngtute pawh hian chawimawi an phuin an lawmpuiawm hle a ni a ti. Ramri hrul leh hmun kilkhawrah  BRO ten hna tha takin an thawk thei a. Hei hi Mizorama hmasawnna ruhrel thawktute dang - contractor te leh department anga thawktute pawhin entawn se, hna thak taka thawk a, state tana rotling siam tur se a tha hle ang a ti.

Felicitation programme hman zawhah Governor chuan Pushpak hotute chu an hnathawh mek chungchang te a zawt a. Pu PN Yadav, CE, Project Pushpak in Project Pushpak hnuai hmalak mek te leh an thlen chin te a sawi a. Mizoram chhim tawp lam leh chhim chhak lama ramri hrulah te chak takin hma an la mek a, thla rei lo chhungin a tam zawk chu an thawh zawh hman a beisei tih a sawi a ni. Pu PN Yadav, CE, Project Pushpak chuan ramri hrula Assam Rifles te inkulhna hmunah te hnathawh tur Ministry of Home Affairs(MHA) chuan an rawn pe turin an beisei tih a sawi bawk a ni.

Pu SK Mishra, SE(Civil), Commander, 24 BRTF, Col Cornelius, Director, EME, Project Pushpak leh Pu Chalhming Thanga, Jt Director(Admin), Hqtrs, Project Pushpak te pawh he hunah hian an tel a ni.


Attachment

  • Loading attachment...