640/2022-2023

Aizawl 26th May 2022: Vawiin khan Minister of State for Railways and Textiles Smt. Darshana Jardosh chuan Chawilung-ah mulberry leh eri chingtute nen inkawmna hun hmang.

Union Minister of State Smt. Darshana Jardosh chuan Mizoram chu nuam a tih thu sawiin, Chawilung khua sikul naupang leh khawtlang chungah a bikin lawmthu a sawi a. India sawrkar chuan hmeichhia te dinhmun tihhmasawnnan tan nasa taka lak a tum a, puanthan lama hmasawnnan hmeichhia ten mawhphurhna pawimawh tak kan nei tih hria a,  hmeichhiate hi chhungkaw enkawltu an nih theih bakah eizawngtu an ni thei a ni tih hre turin a chah a. Union Minister of State chuan Chawilunga silk pangang khawi chu khawvelin a ngaihsan silk a ni tih hriain, silk hmangin khawvel tukverh an chuang chhuak thei a ni tih inhre turin a chah a. Silk industry tihhmasawnnan Ministry of Textiles chuan cheng Nuai 700 chuang Mizoram sawrkar pe turin ruahmanna a siam a, Chawilung khua hi Sericulture Village a nih theihnan Mizoram Sericulture Secretary hriatpuinain hmalak a ni dawn tih a tarlang bawk a ni. Intodelh India scheme chu Chawilung khua hian a chhim phak dawn a, mitin ham thatna thlen chu India ram sawrkar tum a ni tiin a sawi. 

Chawilung khua hian an khua hmasawnnan an mamawh hrang hrang- Sericulture Link Road, Solar pump, Solar light, Health Sub-Centre, Hmuifang leh Baktawng inkar kawng National Highway a puan te, school class 10 thleng zirna an neih theih nana hmalakpui turin an ngen a ni. 

Chawilung VCP Pu R. Zoliana leh Sericulture Department hotuten Union Minister hi an lo dawngsawng a. Minister of State Smt. Darshana Jardosh chuan a mulberry leh eri chingtute huanah kalin, a hmunah a enpui a ni. Chawilung-ah hian Mulberry leh eri chingtu intel khawm chhungkaw 25 an awm a, chhungkaw khat hian tin khat hmun vel ching teuh ang an ni.

Attachment

  • Loading attachment...