1447/2022-2023

Aizawl, the 3rd August 2022: Vawiin chawhma khan Conference Hall, DRDA, Aizawlah Dr Lalhriatzuali Ralte, Deputy Commissioner kaihhruaina hnuaiah District Level Committee on Pradhan Mantri Jan Vikas Karyakram(PMJVK) chu he scheme hnuaia project duanchhin ho te endikin an thukhawm. 

Dr Lalhriatzuali Ralte chuan PMJVK hi scheme tha tak, tun hma lamah pawh Mizorama district pathum vela lo kalpui tawh thin a ni a. He scheme hnuaia hmalakna te hi NITI Aayog in a zirchian hnuaah tha a tih avangin kalpui chhunzawm tur a ni a. Tunah chuan he scheme hnuaiah hian Aizawl District pawh a tel tawh a. Central lam atanga hriattirna hmuh a nih angin line department te chu hmanhmawh taka proposal te siam turin an in nawr tih a sawi a. Vawiina thutkhawm in a rel te hi naktukah state level committee ah sawiho leh tur a ni a ti.

He scheme chungchanga thuhmahruai Pi Ethel Rothangpuii,  PD, DRDA hnen atangin ngaihthlak a ni a. PMJVK scheme in a huam theih chin leh proposal siam rem ngai lai te Nodal Officer, Aizawl DC office lam atangin ngaihthlak a ni leh a. Hemi hnu hian proposal thehluh tawh ho te enho a, siam that ngai lai te sawiho a ni.

PMJVK scheme hnuaiah hian hnam tlem zawk(minority) te - Education, Health leh Skill Development lama tihhmasawn hna thawh thin a ni.

District Level Committee on PMJVK ah hian line department a district level head te chu member an ni a. Member zingah hian Lok Sabha leh Rajya Sabha MP te pawh an tel a ni.