Sorkar Laipui Ministry of Home Affairs (Foreigners Division) -in Mizoram Sorkar a rawn hriattir angin Mizoram, Manipur leh Nagaland State-a Foreigners (Protected Areas) Order 1958 hnuaia Protected Areas regime kenkawh mek chu ni 31 Dec. 2012 atang khan kum khat dang atan a thlah dul leh ta. He Thupek hi a hnuaia tarlan hrang hrang te hmanga kenkawh zui tur a ni :-
1. Afghanistan, China leh Pakistan ram mi te reng reng Mizoram, Nagaland leh Manipur tlawh duh te chuan tunhma ang bawkin Ministry of Home Affairs atanga phalna an lak hmasak a ngai ang.
2. Myanmar khua leh tui reng reng, Mizoram, Nagaland leh Manipur tlawh tur leh ramri atanga 16 kms bak pelh duh te chuan tunhma ang bawkin Ministry of Home Affairs phalna an neih hmasak a tul bawk ang.
3. Ram dang mi reng reng, heng State pathum Mizoram, Nagaland leh Manipur rawn tlawh tu te chuan an tlawh District Foreigners Registration Officer (FRO) hnenah darkar 24 ral hma ngeiin an inhriattir tur a ni a, State Sorkar te chuan hei hi khauh takin an enfiah tur a ni. FRO leh Police thuneitu ten hetiang khualzin te hi uluk takin an thlithlai zui tur a ni a, Dan kalha an chet hmuh a nih chuan a tul anga hma lak vat tur a ni ang.
4. Heng State pathum tlawh tur ram dang Missionary te chu Visa Manual Chapter 8 Dan-in a phal angin Missionary Visas pek theih an ni.
He Thupek hi mipui mimir hriat atana puanzar a ni.
