3297/2023-2024

Dated Aizawl, the 10th, January, 2024: Vawiin khan Mizoram Provisional Adhoc School Association hruaitute chuan Chief Minister Pu Lalduhoma chu a pisaah an hmu a, an harsatna tawh mek te a hnenah an thlen.

Chief Minister hian sawrkar chuan a theih ang angin school te tihhmasawn a tum dawn tih a lo hrilh a. Chutihlaiin hmanni lawka sawrkar hmasain school thenkhatte dinhmun a tihdanglam te kha sawrkar thar hian kan la ngaihtuah hman rih lo, sum dinhmun a that loh avangin kum khat chhung inpuahchah nana kan hmann a tul tur thu kan sawi tawh thin a, sawrkar thar hian budget pawh kan la pharh tih te pawh kan hre tlang vek awm e. Kan sawrkar huna hman turin kum hnih leh a chanve chhung zet Education Policy tur hi kan lo duang lawk tawh a, kei ngei pawhin Delhi sawrkarin school a kalpui dan te ka lo zu ngaihven ve tawh thin. He kan policy leh tuna in awmdan te, school dang dinhmun te pawh huamin uluk taka kan en te a tulin a rinawm. Cabinet hmaa pharh te pawh a tul ang a, chuvang chuan tunah rih chuan engmah han sawi theih ka nei rih lo a ni. Education Minister ka lo sawipui ang a, inpawh takin engkim kan sawiho zui zel dawn nia, tiin Provisional Adhoc hruaitute hi a lo chah a. A bialah Provisional Adhoc School a hlan thar school a awm ve tho thu sawiin, in dinhmun leh in harsatna tam tak hi ka hriatpui che u a ni, a ti.

Nikum kum tawp lama sawrkarin school thenkhat dinhmun a tihdanglam zingah khan tun hmaa Lump Sum School kan tih thin te kha Provisional Adhoc dinhmunah dah an ni a, an pawlah hian Higher Secondary School 34, High School 11 leh Middle School 7 an awm mek niin an sawi.