3296/2023-2024

Khawzawl, 10th January 2023: Special Summary Revision of Photo Electoral Roll, 2024 neih mek pualin vawiin khan Khawzawl DC Meeting Hall-ah 22-Tuichang biala Booth Level Officer (BLO) te tan training buatsaih a ni.

Training hi Khawzawl District Election Officer Pu K. Lalrohlua, District Bawrhsap ni bawk hovin neih a ni a. Khawzawl SDO (Sadar), Electoral Registration Officer ni bawk Pi Lalhruaitluangi leh Election Officer Pu Timothy R. Lalhmangaiha ten BLO te hi Roll Revision chungchanga hriattur pawimawh te an hrilhfiah a, zawhna leh chhanna hun hlawkthlak tak hman a ni bawk.

Election Commission of India (ECI) in ruahmanna a siam angin Special Summary Revision of Photo Electoral Roll, 2024 atan hian January ni 6, 2024 khan Draft Electoral Roll tlangzarh niin dilna leh thlen duh neite tan hun hawn nghal a ni a, dilna hrang hrang thehluh theih hun chhung chu January ni 22, 2024 thleng hawn a ni. Amaherawhchu, hun a tep ter tawh avangin dilna hun leh hearing hun hi a innan chhoh a ngai dawn a. Hei vang hian Tuichang bial huamchhunga dil tur te chu January ni 17 hmaa dilna thehlut tura ngen an ni.

Dilna lut te hi February ni 2, 2024 hmaa ngaihtuah zawh hman tura ruat a ni a. Ruahman dan chuan Electoral Roll thar ber Final Electoral Roll chu February ni 8, 2024 ah tlangzarh tum a ni.

Draft Roll ah hian Tuichang bial chhungah Voter 17503 an awm a, mipa 8,710 awmin hmeichhe voter 8,793 an awm a; mipa aiin hmeichhe voter 83 in an tam zawk a ni. 2nd Special Summary Revision, 2023 nena khaikhinin vawiina Draft Roll tih chhuah takah hian voter 28 in an pung a ni.