Vawiin chawhnu hian Adviser to Chief Minister of Mizoram Pu C. Lalramzauva, Sr. Advocate chuan New Serchhip Hill View Hotel-ah Serchhip District Officer te nena inkawm hona hun a hmang a. District Office hrang hrang te dinhmun leh an mamawhte a ngaihthlak sak.

He inkawmnaah hian Pu C. Lalramzauva chuan,   Serchhip District in kawng hrang hranga hma a sawn chhoh zel theih nan Department hrang hrang te hmalak dan te, tun dinhmuna an harsatna leh mamawh te hriatpuia,  a theihna apianga lo tanpui a inhuam thu a sawi a. Officers te chu ramin hma a sawn theihna atana a taka hnathawktu, sawrkar kutke pawimawh tak an nih avangin an hnathawh tinrengah theihtawp chhuah thin turin a chah a ni.

Vawiina Adviser to CM in Serchhip a sawrkar Office hrang hrang vawngtu Officer te a kawmnaah hian Serchhip Bawrhsap Pi Sangchhin Chinzah, SP Pu R. Sathyiasundaram, Addl. DC Pu Chuauhnuna te leh Department Officers te an kal tha hle ani.

Pu. C. Lalramzauva, Sr. Advocate hian chawhma lamah Serchhip Leisekawt Field te, Government Serchhip College te leh Serchhip khawpui chhunga inkalpawhna kawngpui hrang hrangte pawh a tlawh  bawk a ni.